यसअघि छुटेका ५० वर्ष माथिका र अत्यावश्यक सेवामा खटिनेलाई भोलिदेखि खोप
काठमाडौं । काठमाडौ उपत्यकामा रहेका र यसअघिको अभियानमा खोप लगाउन छुटेकाले ५० वर्ष माथि उमेरकाले तत्काल खोप पाउने भएका छन् ।
यसअघि छुटेका ५० वर्ष माथिका उमेरकालाई भोलिबाट खोप दिने तयारी स्वास्थ्य सेवा विभाग परिवार कल्याण महाशाखाले गरेको छ । महशाखाका अनुसार बिहीबारबाट अभियान सुरु गर्ने तयारी भएको छ ।उनीहरुलाई चिनियाँ खोप भेरोसेल दिइँदै छ ।
५० वर्ष उमेर समूहका साथै अत्यावश्यक सेवा तथा पेशामा संलग्न भएका र यसअघिको अभियानमा छुटेकालाई पनि खोप दिने तयारी छ ।
खोप अभियानका लागि तयारी अवस्थामा रहने तीन जिल्लाका जनस्वास्थ्य कार्यालयलाई निर्देशन दिइसकेको स्वास्थ्य सेवा विभाग खोप शाखा प्रमुख डा. झलक शर्मा गौतमले जानकारी दिनुभयो।
तीनै जिल्लामा जिल्ला जनस्वास्थ्य कार्यालयले पनि विभागको निर्देशन आउने वित्तिकै खोप अभियान सुरु गर्न तयारी अवस्थामा रहेको जानकारी दिएका छन्।
सुरुमा ५० वर्ष माथिका छुटेकालाई खोप दिइने र पछि उमेर समूह घटाउँदै अभियान निरन्तरता दिने तयारी स्वास्थ्य सेवा विभागले गरेको छ।
तपाईँको अभिमत