२६ वर्षीया महिलाले १३ मिनेटको फरकमा जन्माइन् ३ सन्तान
हेल्थपाटी - आश्विन ०८, २०८१ १८:२५ मा प्रकाशित
अ +
अ -
प्यूठानमा एक महिलाले एकै पटक तीन सन्तानलाई जन्म दिएकी छिन् । प्यूठान जिल्ला अस्पतालमा आज २६ वर्षीया महिलाले ३ छोरीलाई जन्म दिएकी हुन्।
प्यूठान अस्पतालले दिएको जानकारीअनुसार गौमुखी गाउँपालिका–६ लिवाङ निवासी २६ वर्षीया सरिता परियारले आज १३ मिनेटको फरकमा ३ सन्तानलाई जन्म दिएकी हुन् ।
सुत्केरी बेथा लागेपछि लिवाङ स्वास्थ्य चौकी गएकी सरितालाई त्यहाँबाट रिफर गरी जिल्ला अस्पताल बिजुवार पठाइएको थियो ।
जिल्ला अस्पतालमा बिनाअप्रेसन समान्य रुपमै ३ छोरीलाई जन्म दिएकी हुन् । तीनै बच्चा स्वस्थ रहेको अस्पतालले जानकारी दिएको छ। अस्पतालका अनुसार बच्चाहरुको तौल जन्मिएका आधारमा क्रमशः १.८ केजी, २ केजी र २.१ केजी रहेको छ ।
यी शिशुहरु क्रमशः आज बिहान ११ बजेर २६ मिनेट, ११ बजेर ३५ मिनेट र ११ बजेर ३९ मिनेट जाँदा जन्मिएका हुन् ।
तपाईँको अभिमत