५० बेड माथिका सरकारी अस्पतालबाट क्यूआर कोडसहित खोप प्रमाणीकरण हुने
अब देखि ५० बेड माथिका सम्पूर्ण सरकारी अस्पतालहरुबाट खोप लगाएको प्रमाणपत्र विद्युतीय प्रणालीबाट उपलव्ध हुने भएको छ ।
स्वास्थ्य तथा जनसंख्या मन्त्रालयको साउन १५ गतेको सचिव स्तरीय निर्णयानुसार वैदेशिक रोजगार, अध्धयन र उपचार लगायत अन्य कार्यका लागि विदेश जानुपर्ने नागरिकहरुको कोभिड १९ खोप लगाएको खोप कार्डको आधारमा प्रमाणीकरण गर्न देशभरका ५० शैया माथिका सम्पूर्ण सरकारी अस्पतालहरुवाट प्रमाणीकरण हुन लागेको हो ।
अस्पतालहरुले बढिमा २ जनासम्म फोकल पर्सन (मेडिकल डाक्टर) तोकी निशुल्क प्रमाणीकरणको व्यवस्था गर्नु पर्नेछ । यो व्यवस्था भदौ १ गतेबाट लागू हुनेछ । विदेश जाने नागरिकहरुका लागि सुचना प्रमाणीकरणका लागि पहिलानै नाम दर्ता गराएर खोप लगाउने र क्यूआरसहितको प्रमाणपत्र विद्युतीय प्रणालीवाट उपलब्ध हुनेछ । अन्य नागरिकहरुले पनि खोपका लागि पहिलानै अनलाइन मार्फत नाम दर्ता गराउनु पर्नेछ ।
तपाईँको अभिमत