धुलिखेलमा नगरका १२ वटै वडामा एकमहिने निशुल्क स्वास्थ्य शिविर
जीवित फाउन्डेशनले काभ्रेको धुलिखेल नगरपालिकामा स्वास्थ्य शिविर सञ्चालन गरेको छ। धुलिखेल नगरपालिकाको समन्वय तथा बनेपा हेल्थ केयरको प्राविधिक सहयोगमा धुलिखेल नगरपालिकाको १२ वटा वडाको १३ वटा स्वास्थ्य चौकीमा स्वास्थ्य शिविर सञ्चालन गरिएको हो।
शिविरमा निशुल्क महिला, स्त्रीरोग तथा बाझोपनसँग समन्धित जाँच गरिएको फाउन्डेसनले जानकारी दिएको छ।
शिविरबाट ४४५ जना लाभान्वित भएको फाउण्डेशनका उपाध्यक्ष शिव पौडेलले जानकारी दिनुभयो।पौडेलअनुसार सेवा लिएकाहरु मध्ये ११५ जनाको ट्याप स्नेयर टेष्ट गरिएको थियो । यी मध्ये ८३ जनामा संक्रमण पाइएको देखिएको छ । संक्रमितको उपचारको लागि अस्पतालसँग समन्वय गरिएको छ ।
साउन ४ गते बाट सुरु भएको शिविर भदौ ९ गते सम्म सञ्चालन गरिएको थियो ।
धुलिखेल नगरका उपप्रमुख निराजन जंगमले क्याम्बाट नगरका महिलाहरु लाभान्ति भएको बताउँदै आगामी दिनमा यो अभियानलाई निरन्तरता दिने प्रतिवद्धता व्यक्त गर्नुभयो।
जीवित फाउण्डेशनले स्वास्थ्य, शिक्षा लगायतका क्षेत्रमा काम गर्दै आइरहेको छ।
तपाईँको अभिमत