निजामती कर्मचारी अस्पताल १६ वर्षसम्म सानो कागजको खोस्टोमा आधारित हुनु विडम्बना : नवनियुक्त कार्यकारी निर्देशक प्रा.डा. रेग्मी
हेल्थपाटी - चैत्र ०३, २०८१ २०:५४ मा प्रकाशित
अ +
अ -
निजामति कर्मचारी अस्पताल ‘कागजको खोस्टो’मा मात्र सीमित भएको भन्दै अस्पतालका नवनियुक्त कार्यकारी निर्देशक प्रा.डा. मोहनचन्द्र रेग्मीले असन्तुष्टि व्यक्त गर्नुभयो । उहाँले गठन आदेशकै भरमा अस्पताल सञ्चालन भइरहेकाले अस्पताल सञ्चालन ऐन नभएकोप्रति असन्तुष्ट व्यक्त गर्नुभएको हो ।
आइतबार निवर्तमान कार्यकारी निर्देशक प्रा.डा. विधाननिधि पौडेलले आफ्नो कार्यकालमा भएका उपलब्धी पत्रकार सम्मेलनमार्फत् सार्वजनिक गर्न आयोजित पत्रकार सम्मेलनमा बोल्नुहुँदै प्रा.डा. रेग्मीले त्यस्तो असन्तुष्टि जनाउनुभएको हो ।
‘१६ वर्ष भइसक्यो अस्पताल सञ्चालन सुरु भएको’, उहाँले भन्नुभयो, ‘एउटा सानो कागजको खोस्टोमा आधारित छ यो अस्पताल । यो विडम्बना हो । गठन आदेश भनेको कानुनी रूपमा हेर्दाखेरि सबैभन्दा कमजोर डकुमेन्ट हो ।’ उहाँले कानून, ऐन तथा विनियमहरू बलियो रूपमा निर्माण गर्नुपर्ने र त्यसले निर्देश गर्नुपर्ने बताउनुभयो ।
प्रा.डा. रेग्मीले अस्पतालको थप सुधारका लागि आफूले अहिले नै केही घोषणा नगर्ने उल्लेख गर्नुभयो । उहाँले बालेर मात्र नहुने भन्दै काम गर्नुपर्ने बताउनुभयो ।
तपाईँको अभिमत