नेपालमा कोरोना संक्रमणबाट पहिलोपटक डाक्टरको निधन
काठमाडौं । नेपालमा कोरोना संक्रमणबाट पहिलोपटक डाक्टरको मृत्यु भएको छ । कोरोना संक्रमणबाट ५९ वर्षका वरिष्ठ कन्सल्टेन्ट अर्थाेपेडिक सर्जन डा.हरि सापकोटाको मृत्यु भएको हो ।
कर्णाली प्रदेश स्वास्थ्य निर्देशनालयका प्रमुख एवं सरकारी चिकित्सक संघ गोदानका अध्यक्ष डा. रविन खड्काले डा.सापकोटाको मृत्यु भएको जानकारी दिनुभयो । भेरी अस्पतालमा उपचारका क्रममा डा.सापकोटाको आज दिउसो ३:१० बजे मृत्यु भएको बाँकेका कोभिड फोकल पर्सन नरेश श्रेष्ठले जानकारी दिनुभयो ।
डा.सापकोटा ११ औं तहका वरिष्ठ कन्सलटेन्ट अर्थाेपेडिक सर्जनका रुपमा कर्णाली प्रदेश अस्पताल सुर्खेतमा कार्यरत हुनुहुन्थ्यो । भदौ २९ गते स्वास्थ्यमा समस्या आएपछि पीसीआर परीक्षण गर्दा रिपोर्ट पोजेटिभ आएको र असोज १ गते भेरी अस्पतालमा भर्ना हुनुभएका डा. सापकोटालाई रेम्डिसिभिर औषधि चलाई आज बिहानबाट भेन्टिलेटरमा राखी उपचार सुरु गरिएको थियो ।
तपाईँको अभिमत