विपद्को समयमा खानेपानी र सरसफाइमा विशेष ध्यान दिऔं

अहिले देशभर पानी परिरहेको छ । सक्रिय भएको मनसुनी वर्षाका कारण धेरै स्थानमा क्षति पुर्याएको छ । यतिबेला स्वास्थ्यमा पनि विशेष ध्यान दिनपर्ने हुन्छ । 

वर्षायाममा पानी र फोहोरजन्य रोगको जोखिम उच्च रहन्छ । संक्रामक रोगको जोखिम उत्तिकै रहन्छ । वर्षायाममा ढल फुटेर मिसिँदा खानेपानीको मुहान दुषित भएको हुनसक्छ ।  पानीकै कारण झाडापखाला, टाइफाइड, जन्डिस गराउने भाइरस (हेपाटाइटिस) रोगको सम्भावना बढाउँछ ।

वर्षयाममा छालासम्बन्धी रोग पनि देखिन सक्छ ।स्वास्थ्य तथा जनसंख्या मन्त्रालयले विपद्को समयमा खानेपानी र सरसफाइमा विशेष ध्यान दिन आग्रह गरेको छ । 
विपद्को समयमा खानेपानी र सरसफाइमा ध्यान दिने तरिकाबारे मन्त्रालयले यस्तो सुझाएको छ । 

 -क्लोरिन झोल वा ट्याबलेट हालेर वा उमालेर पानीलाई शुद्धिकरण गरेको पानी मात्र पिऔं ।

- शुद्धिकरण गरेको पानी सधैं सफा भाँडामा छोपेर राखौं । 

- पानी निकाल्ने भाँडा सधैं सफा राखौं ।

-सडेगलेका,बासी र झिंगा भन्केका खानेकुरा नखाऔं ।

- काँक्रो, गाँजर, फलफुल जस्ता काँचै खान मिल्ने खानेकुरा सफा पानीले धोएर खाने गरांै । 

- खाना पकाउनुअघि, खाना खानुअघि, बच्चालाई खाना खुवाउनुअघि फोहोर धोएपछि, दिसापिसाब गरेपछि, चर्पीको प्रयोग गरेपछि र बच्चाको दिसा धोएपछि सधैं साबुनपानीले मिचिमिचि हात धाऔं ।

- जथाभावी दिसा पिसाब नगरौं र नगराऔं । चर्पीमा मात्र दिसा पिसाब गर्ने गरौं र बच्चाको दिसालाई पनि चर्पीमानै बिसर्जन गरौं । 
- फोहोरलाई सधैं निश्चित ठाउँमा सहि तरीकाले व्यवस्थापन गरौं ।

- खोक्दा,हाछ्यु गर्दा सफा कपडाले नाक मुख छोप्ने गरौं । 
- झाडापखाला, हैजा, आउँ,निमोनिया, रुघाखोकी तथा टाईफाइडका लक्षण देखिएमा नजिककाृ स्वास्थ्य संस्थामा सम्पर्क गरौं ।