निजी क्लिनिकमा बिरामी पठाउने २ डाक्टरलाई सेवाबाट हटाइयो
काठमाडौं । ड्युटीको समयमा निजी अस्पताल र मेडिकलमा काम गरेको भन्दै हेटौडा अस्पतालका दुई जना विशेषज्ञ डाक्टरलाई सेवाबाट हटाइएको छ । अस्पताललाई जुन किसिमबाट सेवा गर्नुपर्ने हो सो अनुसार नगरेपछि करारमा नियुक्त गरिएका २ जनालाई सेवाबाट हटाइएको अस्पताल व्यवस्थापन समितिका अध्यक्ष प्रकाश पौडेलले जानकारी दिनुभयो ।
नवौं तहका जनरल सर्जन बिशेषज्ञ डाक्टर साजित अन्सारी र छाला तथा योनरोग बिशेषज्ञ डाक्टर बुद्धीराज पाण्डेलाई सेवाबाट हटाइएको उहाँले बताउनुभयो । अन्सारी ४ वर्ष र पाण्डे २ वर्षदेखि अस्पतालमा करारमा कार्यरत हुनुन्थ्यो ।
उहाँहरुले ड्युटीको समयमा निजी अस्पताल र मेडिकलमा काम गर्दै आएको तथा बिरामीलाई निजी क्लिनिकमा पठाउदै आउनुभएको थियो ।अस्पतालको हित विपरित काम गरेको पाइएपछि दुईपटक निलम्वन गर्दा पनि नमानेपछि सेवाबाट नै हटाउन परेको पौडेलको भनाई छ ।
उहाँले आगामि दिनमा पनि अस्पतालको अहित हुने काम गर्नेलाई सेवामा नराखिने स्पष्ट पार्नुभयो । अहिले अस्पतालमा ४२ जना डाक्टर रहनु भएको छ ।
तपाईँको अभिमत