बीपी प्रतिष्ठान १ अर्ब ४१ करोड घाटामा, भ्रामक प्रचार नगर्न आग्रह
धरानस्थित बीपी कोइराला स्वास्थ्य विज्ञान प्रतिष्ठानले स्वेत पत्र जारी गरेको छ। आइतबार जारी गरेको स्वेथ पत्र अनुसार प्रतिष्ठान अहिले १ अबै ४१ करोड ऋणमा डुबेको छ ।
साउन महिनाको शिक्षक, कर्मचारी तथा विद्यार्थीहरूको नियमित तलब भत्ता, अन्य सञ्चालन खर्च र विगतको दायित्व गरी कुल १ अर्ब ४१ करोड बराबर ऋण रहेको प्रतिष्ठानका रजिस्ट्रारले जानकारी दिनुभएको छ ।
रजिस्ट्रारका अनुसार कोभिड–१९ को प्रभावले बिरामीको चाप घटेको एक शैक्षिक सत्रको विद्यार्थी भर्ना नै हुन नसकेको २ वर्ष देखि प्रतिष्ठानको आम्दानी १ अर्ब भन्दा बढीले घटेको छ।
सरकारले कुनै राहत नदिएको र कुनै शिक्षक, कर्मचारीको सेवा सुविधा घटाउन सक्ने अवस्था नभएकाले पनि घाटामा गएको दावी गरिएको छ ।
प्रतिष्ठान घाटा जानुमा सरकारीले जारी गरेको स्वास्थ्य बीमा कार्यक्रममा उपचारको दररेट एकदमै हुनलाई पनि मानिएको छ।
केही समयदेखि प्रतिष्ठानको बारेमा भ्रामक प्रचार हुने गरेको कारणले पनि अवस्था खस्किएको दावी गरिएको छ। अबका दिनमा यस्ता सूचना तथा समाचारहरु प्रसार नगर्न प्रतिष्ठानले आग्रह गरेको छ ।
तपाईँको अभिमत