सिटीइभीटीका कर्मचारीको पत्तो लागेन, आज पनि खोजी सुरु

हेल्थपाटी
जेष्ठ २१, २०८० ०८:१९ मा प्रकाशित

अ + अ -

शुक्रबार सुनकोशीमा बेपत्ता भएका प्राविधिक शिक्षा तथा व्यवसायिक तालिम परिषद् (सिटीइभीटी) का कर्मभचारीहरू अझै फेला पर्न सकेका छैनन्।

शुक्रबार दिउँसोदेखि नै गोताखोरसहित सुरक्षाकर्मीको टोलीले खोजी गरेपछि अझै केही पत्तो नलागेको प्रहरीको भनाइ छ । जिल्ला प्रहरी कार्यालय सिन्धुलीका एसपी राजकुमार सिलवालका अनुसार आइतबार बिहानैदेखि फेरि खोजीकार्य सुरु गरिएको छ ।

पानी धेरै र धमिलो समेत भएकाले खोजी गर्न गाह्रो भएको गोताखोर तथा सुरक्षाकर्मीको भनाइ छ । मेसिन तथा स्काभेटर प्रयोग गरी अर्काेतर्फ पानी कटाएर समेत खोजी सुरु गरिएको छ ।

शुक्रबार भक्तपुरबाट खोटाङतर्फ जाँदै गरेको बा १ झ ७४६७ नम्बरको स्कार्पियो जीप खुर्कोट– घुर्मी खण्ड अन्तर्गत गोलन्जोर गाउँपालिका–७ को लौकुनबाट सुनकोशीमा खसेको थियो।

चालकसहित ४ जना सवाल रहेकोमा चालक कृष्ण चौधरी पौडिएर ज्यान बचाउन सफल हुनुभएको थियो।