पिजीको खुलातर्फको दोस्रो म्याचिङको कार्यक्रम स्थगित
काठमाडौं । चिकित्सा शिक्षा आयोगले स्नातकोत्तर तहको खुलातर्फको दोस्रो म्याचिङको कार्यक्रम स्थगित गरेको छ । फागुन १७ गतेबाट खुलातर्फको दोस्रो म्याचिङ तथा भर्ना प्रक्रिया सुरु गर्ने भनिए पनि सर्वाेच्च अदालतको अन्तरिम आदेशपछि हाललाई उक्त कार्यक्रम स्थगित गरिएको जानकारी आयोगले दिएको छ ।
अर्काे सूचना जारी नभएसम्म म्याचिङको प्रक्रिया अघि नबढाईने आयोगले जनाएको छ । सर्वाेच्च अदालतले फागुन १२ गते पिजी तर्फका विद्यार्थीलाई मेरिटको सूचीबाट नहटाउन अन्तरिम आदेश जारी गरेको थियो । साथै, फागुन ४ र ५ गते मेरिट सूचीबाट हटाउन गरेको निर्णय कार्यान्वयन नगर्न पनि सर्वाेच्चले आदेश दिएको थियो ।
आयोगले पिजीको एकीकृत प्रवेश परीक्षा दिएका सरकारी तर्फका १६ र खुला तर्फका ३६ जना गरी ५२ जनालाई दुर्गममा काम गरेको गलत विवरण पेस गरेको भन्दै मेरिट लिस्टबाट हटाएको थियो।
मेरिटको लिस्टबाट हटाइएपछि ६ जना उम्मेदवारले आयोगको उक्त निर्णयप्रति असन्तुष्टि जनाउँदै फागुन ९ गते सर्वोच्वमा रिट निवेदन पेस गरेका थिए ।
तपाईँको अभिमत