बैशाख अन्तिमसम्म शहरका विद्यालय बन्द गर्न सीसीएमसीको सिफारिस
काठमाडाैं । कोरोना व्यवस्थापन केन्द्र (सीसीएमसी) को आज शनिबार बसेको बैठकले ठूला सहर र कोरोना सङ्क्रमण फैलिएका ठाउँमा बैशाख अन्तिमसम्म विद्यालय बन्द गर्न सरकारलाई सिफारिस गर्ने निर्णय गरेको छ ।
सिंहदरबारमा बसेको सीसीएमसी बैठकले सहरी क्षेत्रका विद्यालयहरु बैशाख अन्तिमसम्म बन्द गर्न मन्त्रिपरिषद्लाई सिफारिस गर्ने र अरु ठाउँमा प्रदेश र पालिकाले निर्णय गरेअनुसार हुने निर्णय गरेको छ ।
पछिल्लो समय कोरोना संक्रमण बढेको र बालबालिकामा समेत अत्यधिक असर देखिएको भन्दै स्वास्थ्य मन्त्रायलयले यसअघि नै एक महिना विद्यालय बन्द गर्ने प्रस्ताव गरेको थियो ।
सरोकारवालाले तत्काल विद्यालय बन्द गर्न नहुने बताउँदै आएका छन् । कोरोना महामारीले विद्यालयहरुमा ठूलो समस्या देखिन सक्ने भएकाले भौतिक उपस्थिति बन्द गराएर अनलाइनमार्फत पठनपाठन सञ्चालन गर्नुपर्ने निर्णयको लागि मन्त्रिपरिषद् बैठकलाई सिफारिस गर्ने निर्णय भएको हो ।
यस्तै स्वास्थ्यका मापदण्डमा कडाइ गर्ने र मास्क नलगाई हिँड्नेलाई कारबाही गर्नेसम्मका सिफारिस पनि सीसीएमसीले गरेको छ ।
तपाईँको अभिमत