भारतका स्वास्थ्य मन्त्रीले भने–'१०० करोड डोज खोप स्टक भएपछि अरु देशलाई दिन्छौँ'

भारतले आगामी नोभेम्बर महिना सम्ममा कोभ्याक्स सुविधामार्फत कोभिड–१९ विरुद्धको खोप अन्य देशलाई उपलब्ध गराउने तयारी गरेको छ । भारत केन्द्र सरकारका स्वास्थ्य मन्त्री मनसुख मान्डवियाले यस्तो जानकारी दिएका हुन् । 

उनले अक्टोबर महिनामा भातरमा थप ३० करोड डोज खोप उत्पादन हुने दावी गरेका छन् । परिस्थितिमा बदलाब नआए ३ महिनामा भारतमा १०० करोड डोज खोप स्टक हुने दावी उनको छ ।  यसपछि भारत बाहिरी देशमा खोप सप्लाइ गर्न सक्ने अवस्थामा हुने  मान्डवियाले बताएका छन् । 

देशका सबै नागरिकलाई खोप लगाउनु नै आफूहरुको पहिलो लक्ष्य भएकाले देशको आवश्यकता पूरा भएपछि मात्रै सलाइको योजना बनाउने स्वास्थ्य मन्त्री  मान्डवियाले स्पष्ट पारे । 

देशको आवश्यकता पूरा भएपछि भारत कोभिड–१९ महामारी विरुद्ध लड्न अन्य देशलाई खोप उपलब्ध गराउने कार्यलाई प्राथमिकतामा राख्ने उनले बताए । 

भारतमा पछिल्ला १० दिनमा ११ करोड डोज खोप लगाइएको छ । १७ सेप्टेम्बरमा भारतका प्रधानमन्त्री नरेन्द्र मादीको जन्मदिनमा २ करोड ५० लाख भन्दा धेरैलाई खोप लगाइएको थियो। 

भारतले सुरुमा नेपाललाई १० लाख डोज खोप अनुदानमा दिएको थियो । त्यसपछि २० लाख डोज खरिदका लागि भुक्तानी दिएपनि अहिलेसम्म १० डोज मात्रै आएको छ ।