कोरोना संक्रमणले ५ वर्षकी बालिका भेन्टिलेटरमा, आमाको अनुरोध यस्तो !
‘मल्टिसिस्टम इन्फ्लामेटोरी सिन्ड्रोम’
टेक्सास । आफ्नी कोरोना संक्रमित छोरीमा अनेक लक्षण देखिएपछि टेक्सासस्थित एक आमाले सबै अभिभावकलाई चनाखो हुन आग्रह गर्नुभएको छ । कोपल्यान्ड नाम गर्नुभएकी उहाँकी ५ वर्षीय छोरीलाई कोरोना संक्रमणपछि ‘मल्टिसिस्टम इन्फ्लामेटोरी सिन्ड्रोम’ देखिएको हो ।
आफ्नी छोरीलाई गम्भीर लक्षण देखिएपछि कोपल्यान्डले बच्चामा पनि कोरोनाको गम्भीर असर हुन सक्ने भन्दै बेवास्ता नगर्न सम्पूर्ण अभिभावकलाई चेतावनी दिनुभएको हो । उहाँको छोरीलाई सघन उपचार कक्षको भेन्टिलेटरमा राखेर उपचार भइरहेको छ ।
छोरीलाई डिसेम्बरको अन्त्यतिर यस्तो लक्षण देखिएको थियो । कोपल्यान्ड र उहाँकाे श्रीमानमा संक्रमण भएको करिब एक महिनापछि उहाँका पाँचै सन्तानमा कोरोना संक्रमण पुष्टि भएको छ । आमा कोपल्यान्डका अनुसार परिवारका ७ जना सदस्यको कोरोना मुक्त हुने बित्तिकै छोरीलाई लक्षण देखा परेको थियो ।
क्लिनिकमा उपचार गर्दा पनि लगातार लक्षण देखा परेपछि अस्पताल भर्ना गर्नु परेको हो ।‘डिसेम्बर २७ को रातदेखि छोरीको ओठ सुन्निने, आँखामा रातो दाग आउने, अनुहार सुन्निने लगायतका लक्षणहरू देखिएका छन्’, आमा कोपल्यान्डले भन्नुभयो, ‘अझै सहनै नसक्ने गरी टाउको दुख्ने, पेट दुख्ने र दुखाइले गर्दा सुत्नै नसक्ने अवस्था छ ।’
गुडमर्निङ अमेरिका डटकमबाट ।
तपाईँको अभिमत