कोरोनाकाे नयाँ लक्षण : संक्रमितको शरीरमा माछाकाे कडा गन्ध
लन्डन । कोरोना भाइरस संक्रमितमा नयाँ लक्षण देखापरेको छ । गन्ध थाहा नपाउने, स्वाद थाहा नपाउने, अत्यधिक ज्वरो आउने लगायतका लक्षणबाहेक नयाँ लक्षण देखा परेको हो ।
पछिल्लो समय लामो समयसम्म कोरोनाको लक्षण देखिएकामा थप नयाँ लक्षण देखिएको बेलायतका ईएनटी सर्जन प्रोफेसर निर्मलकुमारले बताउनुभएको छ । उहाँका अनुसार लामो समयसम्म लक्षण देखा परेका कोरोना संक्रमितको शरीरबाट माछा जस्तो कडा गन्ध आएको छ ।
यस्तो असामान्य लक्षण खासगरी युवा तथा स्वास्थ्यकर्मीहरूमा देखिएको डा. कुमारले बताउनुभयो । गत मार्चमा एनोस्मिया अर्थात् सुघ्ने क्षमता कम हुने लक्षण पत्ता लगाउने विज्ञ टोलीमा रहनुभएका उहाँले कतिपय संक्रमितले एकोहोरो कुनै चिजको गन्ध आइरहेको बताउने गरेको बताउनुभएको छ । जसका कारण बिरामीमा हैरानी भइरहेको उहाँले बताउनुभयो ।
यसैगरी कतिपय संक्रमितहरूमा दिगभ्रमित हुने, निद्रा नलाग्ने लगायतका समस्या हुन थालेको उहाँले बताउनुभएको छ । ‘कोही दिगभ्रमित हुने, राम्रो निद्रा नलाग्ने, सुनााईमा कठिनाइ हुने लगायतका लक्षण देखिएका छन्’, उहाँले भन्नुभयो, ‘हामी अहिले नै यसको खास कारण चाहिँ बताउन त सक्दैनौँ, तर यस्ता बिरामीलाई निको पार्ने पूरै कोसिस चाहिँ गरिरहेका छौँ ।’ आजतकबाट ।
तपाईँको अभिमत