'मेरा मिर्गौलाले काम गर्न छाड्न थाले, म बेलुनजस्तै थिएँ........'
तपाईँका साथीसँगी र परिवारको प्रार्थना र कामना निकै हदसम्म काम गर्न सक्छ
काठमाडौं । नेपाल मेडिकल काउन्सिलका अध्यक्ष एवं वरिष्ठ मुटुरोग सर्जन प्रा. डा. भगवान कोइरालाले आफ्नाे मिर्गौलाको पत्थरीको शल्यक्रिया गरेकाे ४ दिनपछि बिरामी हुँदाको आफ्नो अनुभव सार्वजनिक गर्नुभएको छ।
चाबहिलस्थित ह्याम्स अस्पतालमा बुधबार उहाँको शल्यक्रिया गरिएको हो । शल्यक्रियाबाट उहाँले जीवनको पाठ सिकेको फेसबुकमा बताउनुभएको छ । उहाँले फेसबुकमा लेख्दै जीवन अनिश्चित भएकाले राम्रो काम गर्न सबैलाई अनुरोध गर्नुभएको छ ।
उहाँले फेसबुक स्टाटसमा लेख्नुभएको छ,
मेरो पेसागत जीवनमा २४ घण्टासम्म फोन नउठाएको पहिलोपल्ट थियो । वास्तवमा उठाउन नै सकिन । अनि बन्द गर्न ठिक ठानेँ ।
तीन रात सहनै नसकिने गरी भएको दुखाईसँग संघर्षरत थिएँ । जसको कारण मूत्रनली र मिर्गौलामा ४ मिमिको दुई वटा साना पत्थर थिए । मेरो शरीरमा यस्तो थियो भन्ने कहिल्यै थाहा थिएन ।
बुधबार बिहान २ बजेदेखि नै सहनै नसक्ने गरी दुखाई सुरु भएको थियो । अझ खराब हुँदै गएछ र पत्थरले पिसाबलाई रोकेको रहेछ । मेरा मिर्गौलाले काम गर्न छाड्न थाले ।
सहकर्मी सर्जनहरू चाँडै शल्यक्रियाका लागि तयार हुनुभयो,पत्थर निकाल्नुभयो, नली राखेर जम्मा भएको पिसाब निकाल्नुभयो । तर पिसाबको विषाक्त पदार्थले शरीभरि असर गरिसकेको थियो । । तलका पाठसहित मलाई निको हुन एक दिन र आधा (डेढ दिन) लाग्यो ।
मेरा लागि पाठ :
– जीवन अनिश्चित छ, राम्रा काम गर,
– तपाईँका साथीसँगी र परिवारको प्रार्थना र कामना निकै हदसम्म काम गर्न सक्छ,
– बाँकी सम्पूर्ण जो जसले मलाई मनैदेखि स्वास्थ्य कामना गर्नुभयो उहाँहरूसबैलाई अनि मेरो उपचारमा संलग्न स्वास्थ्यकर्मीको टिमलाई हार्दिक धन्यवाद ।
प्रा.डा. प्रेमराज ज्ञवाली, डा.सुमन चापागाँई र डा.सुजित पौडलको टिमले प्रा.डा. कोइरालाको शल्यक्रिया गरेको हो ।
तपाईँको अभिमत