एमबीबीएस पढाउने दुर्गा प्रसाईँको सहित ४ शैक्षिक संस्था थपिए, २१५ सिट बढ्यो

गत वर्ष भन्दा यस पटक एमबीबीएसको मात्रै २१५ नयाँ सिट थपिएका छन् । 

गत वर्ष ६० सिट पाएको बुटवलको देव दह मेडिकल कलेजमा १५ सिट थपिएको छ ।  यस पटक ४ नयाँ शैक्षिक संस्थामा एमबीबीएस पढाइ सुर हुने भएको छ । जसमा विवादित मेडिक व्यवसायी दुर्गा प्रसाईँको झापास्थित बी एण्ड सी मेडिकल कलेज रहेको छ । 

अन्यमा मधेस स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र राप्ति स्वास्थ्य विज्ञान प्रतिष्ठान रहेका छन् । यी चार वटै संस्थाका लागि ५०– ५० सिट तोकिएको छ । अर्थ मन्त्रालयको सहमति प्राप्त भए मात्रै पोखरा स्वास्थ्य विज्ञान प्रतिष्ठान र राप्ति स्वास्थ्य विज्ञान प्रतिष्ठानमा तोकिएको एमीबीएसका विद्यार्थी भर्ना गर्न सकिने आयोगले उल्लेख गरेको छ । 

सरकारी शैक्षिक संस्थाले ७५ प्रतिशत विद्यार्थी छात्रवृत्तिमा पढाउनु पर्ने प्रावधान चिकित्सा शिक्षा ऐनमा छ।

कुन तोकिएको सिटमा करिब ५६० भन्दा बढीले एमबीबीएसमा छात्रवृत्ति पाउने देखिन्छ । 

सबै विषयमा गरी यो वर्ष ८ हजार ७० सिट छुट्याइएको छ । गत वर्ष ७ हजार ५०४ सिट तोकिएको थियो ।