पहिरोले पुरिएर वडा सदस्य दम्पत्ति बेपत्ता

हेल्थपाटी
भाद्र २३, २०८१ ०९:५३ मा प्रकाशित

अ + अ -

जाजरकोटको बारेकोट गाउँपालिका ६ मा पहिरोमा परी एक दम्पति बेपत्ता भएको छ । गएराति गएको पहिरोमा परी वडा नं. ६ का महिला सदस्यसहित उहाँको श्रीमान् बेपत्ता हुनुभएको हो ।

पहिरोले घर पुरिएको वडाध्यक्ष डम्बरबहादुर महताराले जानकारी दिनुभयो । उहाँका अनुसार वडा सदस्य प्रेमकुमारी चलाउने र उहाँको श्रीमान् बेपत्ता हुनुभएको हो ।

१९ वर्षीय छोरीलाई भने घाइते अवस्थामा उद्दार गरिएको छ ।

स्थानीय जनप्रतिनिधि, स्थानीयवासी र सुरक्षाकर्मीको टोलीले बेपत्ताको खोजी गरिरहेको छ।