सैनिकले बर्दीको दुरुपयोग गरी नियम मिच्दा प्रहरी मुकदर्शक किन ?

काठमाडौं । आज काठमाडौं उपत्यकामा निषेधज्ञाको पहिलो दिन। सडकमा सावैजनिक यातायातका गुडेका थिएनन्। किनभने तिनीहरुलाई अनुमति थिएन।

अत्यावश्यक बाहेकका काममा हिडडुल गर्ने प्रतिबन्ध थियो। तर मोटरसाइकल र निजी गाडीहरु मात्रै बाक्लै देखिन्थे सडकमा। चोक–चोकमा बसेका प्रहरी, ट्राफिक प्रहरी, सशस्त्र प्रहरीसहितको टोलीले सवारीहरुलाई रोक्दै सोधपुछ गरिरहेका थिए। मुनासिब कारणले यात्रा गरेकाहरुलाई प्रहरीले जान दिइरहेको थियो। कारण नभएकाहरुलाई रोकिरहेको थियो। 

हामी बिहान करिब ११ बजेतिर काठमाडौंको चाबहिल पुग्दा त्यहाँ प्रहरी जाँचका लागि रोकेका ट्याक्सी, मोटरसाइलको तथा निजी गाडीहरुको लामो लाइन थियो।

जाँचका क्रममा सामान्य जाम नै भइरहेको थियो। जाँचका शिलशिलामा एउटा मोटरसाइकलसँग एक प्रहरीले सोधपुछ गर्दै थिए । माेटरसाइकल नम्वर थियो बा.६६ प ६५९।  प्रहरीले त्यो मोटरसाइकल चालकलाई त्यहाँबाट जान नदिएपछि उनले कसैलाई फोन गरे। एकैछिनमा त्यहाँ बर्दी सहित एक सैनिक आए । केहीछिनको कुराकानीपछि बिना हेल्मेट ती सैनिकले मोटरसाइकल हाँके । 

मोटरसाइकल छुटाएर अलि वर आएपछि ती सैनिकले मोटरसाइकल राेके ।

ती सैनिकले (जो पहिले मोटरसाइकल चलाएर आएका थिए) तिनैलाई नै मोटरसाइकल हाक्न दिएर आफू पछाडि बसे। त्यसपछि त्यो मोटरसाइकल गौशाला हुँदै पुरानो बानेश्वर तर्फ लाग्यो। 

जाँचमा परेर अड्किइरहेका अन्य व्यक्तिले त्यो दृश्य चुपचाप नियालि रहे । उनीहरु मसिनो स्वरमा प्रश्न गरिरहेका थिए–नियम बोल्न नसक्नेका लागि मात्रै हो ?’ बर्दीको दुरुपयोग गरी नियम मिच्दा ट्राफिक मुकदर्शक किन भयो ?