स्त्री तथा प्रसूति रोग विशेषज्ञ डा.सजन केसीको मृत्यु

हेल्थपाटी
भाद्र ३०, २०८१ १८:०४ मा प्रकाशित

अ + अ -

चितवनको भरतपुर अस्तपालका कार्यरत स्त्री तथा प्रसूति रोग विशेषज्ञ डा.सजन केसीको मृत्यु भएको छ । उहाँको आज काठमाडौंमा मृत्यु भएको भरतपुर अस्पतालका प्रवक्ता डा.रामप्रसाद सापकोटाले जानकारी दिनुभयो ।

प्रवक्ता सापकोटाका अनुसार यही कारणले मृत्यु भएको भन्ने यकीन भएको छैन । डा. सजनलाई पहिल्यैदेखि मुटुको समस्या रहेकाले त्यसैको कारण मृत्यु भएको हुनसक्ने उहाँको भनाइ छ ।

डा.सजन २०७५ साउन २८ गतेबाट भरतपुर अस्पतालमा कार्यरत रहनुभएको थियो । दशौँ तहमा कार्यरत डा. सजन २०७३ सालमा सेती अञ्चल अस्पताल धनगढीमा मेसु बन्नुभएको थियो ।

उहाँको परिवारका पत्नीसहित एक छोरा र छोरी हुनुहुन्थ्यो । ४४ वर्षीय केसीको मृत्युबाट भतरपुर अस्पताल र नेपालको चिकित्सक क्षेत्रलाई ठूलो क्षति पुगेको प्रवक्ता सापकोटाले बताउनुभयो ।