बीसीजी खोपले कोरोना संक्रमण रोक्न मद्दत गर्ने वैज्ञानिकहरूको निष्कर्ष
एजेन्सी । नेपालको कोरोना भाइरस प्रवेश गरेको सुरुवाती चरणमै बीसीजी खोपले कोरोना भाइरसविरुद्ध काम गर्छ कि गर्दैन भन्ने चर्चा चलेको थियो ।
कोभिड–१९ भाइरसविरुद्ध बिसिजीले काम गर्छ भन्नु गलत हल्ला मात्रै भएको विज्ञहरुको ठहर थियो ।
तर एक अध्ययनले बिसिजी खोपले कोभिड–१९ भाइरसविरुद्ध एन्टिबडी बनाउने तथ्य प्रमाणित भएको दावी प्रस्तुत गरेको छ ।
जर्नल अफ क्लिनिकल इन्भेस्टिगेशनमा प्रकाशित एक अनुसन्धान रिपोर्टमा कोभिड–१९ भाइरस संक्रमण रोक्नका लागि बिसिजी खोप प्रभावकारी हुने दावी गरिएको छ ।
अमेरिकाका केही वैज्ञानिकहरूले गरेको यस अध्ययनमा यस्तो निष्कर्ष निस्किएको दावी गरिएको छ । रिपोर्टका अनुसार ६ हजार भन्दा बढी स्वास्थ्यकर्मीमा अनुसन्धान गरिएको थियो । जसमा करिब ३० प्रतिशतले पहिले बिसिजी खोप लगाएको पाइएको थियो भने करिब ७० प्रतिशतले नलगाएको पाइएको थियो।
यी स्वास्थ्यकर्मीको रगत परीक्षण गरिएको थियो । यसमा बिसिजी खोप लगाउनेहरुमा कोभिड–१९ संक्रमणको सम्भावना कम देखिएको थियो । कोभिड–१९ को पोजेटिभ रिपोर्ट देखिएकाहरुमा पनि बिसिजी खोप लगाउनेहरुमा यसका लक्षणहरु खासै नदेखिएको अध्ययनबाट देखिएको दावी गरिएको छ । बिसिजी खोप कोभिड–१९ लाई रोक्न सहयोगी हुने निष्कर्ष अध्ययनले निकालेको छ ।
तपाईँको अभिमत