आठमध्ये एकजनालाई लामो समयसम्मको कोभिड : अध्ययन
कोभिड संक्रमित ८ जनामध्ये १ जनामा लामो समयसम्म रहने देखिएको छ । पछिल्लो समय गरिएको एक अध्ययनअनुसार ८ मध्ये कम्तिमा १ जनालाई लामो समयसम्म कोभिडको लक्षण कायमै रहेको हो ।
ल्यान्सेट जर्नल प्रकाशित अध्ययन रिपोर्टका अनुसार ७६ हजार भन्दा बढी व्यक्तिलाई कोभिड संक्रमण बारे सोधिएको थियो । नेदरल्यान्डमा अनलाइन विधिमार्फत् गरिएको सो अध्ययनमा २३ वटा उस्तै प्रश्न समावेश गरिएको थियो । उनीहरूलाई कोभिडका लक्षणबारे प्रश्न सोधिएको थियो ।
मार्च २०२० देखि अगस्ट २०२१ सम्ममा प्रत्येक सहभागीले २४ पटक प्रश्नको उत्तर दिएका थिए । सो अवधिमा ४ हजार २ सय अर्थात् ५.५ प्रतिशतलाई कोरोना संक्रमण भएको बताएका थिए । तीमध्ये २१ प्रतिशतले तीनदेखि पाँच महिनापछि पनि कम्तिमा एउटा नयाँ लक्षण देखा परेको बताएका थिए ।
पछिल्लो समय धेरै संख्यामा लामो समयसम्म कोरोनाको लक्षण देखिएपछि विज्ञहरूले चिन्ता व्यक्त गरेका छन् ।
तपाईँको अभिमत