पहिलो चरणमा कोरोना खोप दिन अग्रपंक्तिका स्वास्थ्यकर्मीको विवरण माग
काठमाडौं । स्वास्थ्य सेवा विभागले पहिलो चरणमा कोरोना खोप लगाउने अग्रपंक्तिका स्वास्थ्यकर्मीहरुको विवरण माग गरेको छ ।
विभागका महानिर्देशक एवं कोभिड–१९ भ्याक्सिन सचिवालय संयोजक डा. दिपेन्द्र रमण सिंहले आइतबार ७७ वटै जिल्लाका स्वास्थ्य कार्यालयलाई अग्रपंक्तिका स्वास्थ्यकर्मीको विवरण बुधबार (पर्सि) सम्म पठाउन पत्राचार गर्नुभएको छ ।
कोभिड–१९ को संक्रमण,नियन्त्रण उपचार र व्यवस्थापनमा पहिलो चरणमा अग्रपंक्तिमा प्रत्यक्ष खटिने सरकारी स्वास्थ्य संस्थाका स्वास्थ्यकर्मी,कर्मचारी तथा महिला स्वास्थ्य स्वयंसेविकाहरुको विवरण पठाउन पत्राचार गरिएको हो ।
साथै, भ्याक्सिन सचिवालयले नियमपूर्वक दर्ता भएका निजी अस्पताल, मेडिकल कलेज, पोलिक्लिनिक, निजी क्लिनिकहरुमा कार्यरत स्वास्थ्यकर्मी र कर्मचारीहरुको विवरण माग गरेको छ ।
तपाईँको अभिमत