शहीद मुकेश कायस्थको नाममा नगर अस्पताल बन्दै, स्वास्थ्य मन्त्रीबाट शिलान्यास

स्वास्थ्य तथा जनसंख्या मन्त्री मोहनबहादुर बस्नेतले काठमाडौंको गोकर्णेश्वर नगरपालिका-४ मा बन्न लागेको गोकर्णेश्वर नगर अस्पतालको शिलान्यास गर्नुभएको छ।
शहीद मुकेश कायस्थ इन्जुरी सेन्टरको रुपमा निर्माण हुन लागेको उक्त नगर अस्पताल १५ शय्याको हुनेछ। अस्पताल निर्माणका लागि सरकारले साडे २२ करोड रुपैयाँ बजेट बिनियोजन गरेको छ।
कार्यक्रमलाई सम्बोधन गर्दै मन्त्री बस्नेतले अस्पताल समममै सम्पन्न हुनुपर्ने बताउनुभयो।
आफू पदमा भए पनि नभए पनि शिक्षा र स्वास्थ्यका लागि सधैँ लागिरहेको दाबी गर्दै मन्त्री बस्नेतले राम्रा काम गर्ने स्थानीय सरकारलाई सरकारले पूर्ण सहयोग गर्ने आश्वासन दिनुभयो।
गोकरणेश्वर नगरपालिकाले सबै नागरिकको स्वास्थ्य बिमा गर्ने अभियान चलाएकोमा मन्त्री बस्नेतले नगरपालिकाका मेयर दीपक रिसाललाई धन्यवाद दिनुभयो।
निर्माण व्यवसायी समेत रहनुभएका संविधानसभा सदस्य जनार्दन ढकालले समयमै अस्पतालको निर्माण सम्पन्न गर्ने विश्वास व्यक्त गर्नुभयो।
कार्यक्रममा प्रतिनिधि सभा अर्थ समिति सभापति सन्तोष चालिसेले अस्पताल सिलान्यास भएकोमा खुसी व्यक्त गर्दै समयमै निर्माण सम्पन्न हुनुपर्नेमा जोड दिनुभयो । सभासद बिष्णुदेबी पुडासैनीले नगर पालिकाले स्वास्थ्यमा उदाहरणीय काम गरेको बताउनुभयो।
नेकपा एमालेका पूर्वसभासद् कृष्ण रायले पनि अस्पताल समय सम्पन हुनुपर्ने बताउनुभयो। बाग्मती प्रदेश सभा सदस्य बिमल ठकुरी र छिरिङ दोर्जे लामाले निजी क्षेत्रको स्वास्थ्य सेवा महंगफ भएकाले सरकारी सेवा प्रभावकारी बनाउनु पर्नेमा जोड दिनुभयो। गोकर्णेश्वरमा मिर्गौला बिरामीमका लागि डायलासिस सेवा सुरु गरिदिन स्वास्थ्य मन्त्री बस्नेत समक्ष आग्रह गर्नुभयो।
नगर प्रमुख दीपक रिसालले नगरपालिकाले स्वास्थ्यलाई पहिलो प्राथमिकतामा राखेर काम गरिरहेको बताउनुभयो ।
तपाईँको अभिमत