चिकित्सा शिक्षा स्नातक तहमा पाकिस्तानको छात्रवृत्तिका लागि छानिए विद्यार्थी
चिकित्सा शिक्षा स्नातक तहमा पाकिस्तानको छात्रवृत्तिका लागि विद्यार्थी छनोट भएका छन् । चिकित्सा शिक्षा आयोगले पाकिस्तान सरकारबाट प्राप्त हुने छात्रवृत्तिका लागि एमबीबीएसतर्फ १० जना, बीडीएसमा १ र डी.फर्मेसी कार्यक्रममा ८ जनाको नाम रिफारिस गरेको छ ।
गत चैत्रमा सञ्चालित एकीकृत प्रवेश परीक्षाको नतिजाको योग्यताक्रमका आधारमा सिफारिश गरी शिक्षा, विज्ञान तथा प्रविधि मन्त्रालयमा पठाइएको आयोगले बताएको छ।
यस सूचीमा नाम समावेश भएका उम्मेदवारहरुलाई आयोगबाट हाल सञ्चालनमा रहेका अन्य म्याचिङ प्रक्रियामा सहभागी नगराउने जानकारी आयोगले दिएको छ।
आयोगले पाकिस्तानको छात्रवृत्तिमा आवेदन दिन सोमबार दिउँसो ५ बजेसम्मको समय दिएको थियो।
चिकित्सा शिक्षा आयोगले विद्यार्थी छनोट गरी शिक्षा मन्त्रालयलाई सिफारिस गरेपछि शिक्षा मन्त्रालयले अन्य प्रक्रिया अगाडि बढाउँछ ।
पाकिस्तानको आर्थिक मामिला मन्त्रालयले पाकिस्तानस्थित नेपाली दूतावासलाई पठाएको पत्र अनुसार पाकिस्तान जाने विद्यार्थीले कलेजको नियमअनुसार आवेदन तथा केही शुल्क तिर्नुपर्नेछ । पढाइ शुल्कबाहेकका बस्ने, खाने, यात्रा गर्ने शुल्क विद्यार्थी स्वयंले गर्नुपर्नेछ।
तपाईँको अभिमत