तीन प्रदेशका पहाडी भूभागमा मध्यम वर्षाको सम्भावना, देशका उच्च पहाडी तथा हिमाली क्षेत्रमा हिमपातको सम्भावना
हेल्थपाटी - जेष्ठ ०२, २०८२ ०६:३४ मा प्रकाशित
अ +
अ -
शुक्रबार दिउँसो तीन प्रदेशमा हल्कादेखि मध्यम वर्षाको सम्भावना रहेको छ । मौसम पूर्वानुमान महाशाखाका अनुसार कोशी, वागमती र गण्डकी प्रदेशका थोरै स्थान र बाँकी पहाडी भूभागका एक–दुई स्तथानमा चट्याङसहित हल्कादेखि मध्यम वर्षाको सम्भावना रहेको हो ।
यसैगरी देशका उच्च पहाडी तथा हिमाली क्षेत्रमा हल्का वर्षा र हिमपातको सम्भावना रहेको छ ।
आज राति पनि कोशी प्रदेश, वागमती प्रदेश, गण्डकी प्रदेश र लुम्बिनी प्रदेशलगायत देशको पहाडी भूभागका थोरै स्थानमा र बाँकी भूभागका एक–दुई स्थानहरुमा मेघगर्जनसहित हल्का वर्षाको सम्भावना रहेको छ ।
हाल देशमा पश्चिमी वायु तथा स्थानीय वायुको प्रभाव दुवै रहेको छ । त्यस्तै बंगालको खाडी र अरब सागरबाटसमेत आएको जलवाष्पयुक्त हावाको आंशिक प्रभावका कारण वर्षा भइरहेको हो ।
तपाईँको अभिमत