काठमाडौं उपत्यकामा ६ जनाको मृत्यु थप ७६७ संक्रमित

फाइल तस्बिर

हेल्थपाटी
आश्विन ०४, २०७७ १५:५६ मा प्रकाशित

अ + अ -

काठमाडौं । स्वास्थ्य तथा जनसंख्या मन्त्रालयले काठमाडौं उपत्यकामा ७६७ जनालाई कोरोना भाइरस रोग पुष्टि भएको जानकारी दिएको छ । मन्त्रालयका अनुसार काठमाडौंमा ६०२, ललितपुरका ६४ र भक्तपुरका १०१ जनालाई कोरोना पुष्टि भएको छ ।
आज देशभर १ हजार ३२५ जनामा कोरोना भाइरसको संक्रमण पुष्टि भएको छ । यो सहित नेपालमा कोरोना संक्रमितको संख्या ६४ हजार २२२ जना पुगेको छ ।
जसमध्ये ४६ हजार २३३ उपचारपछि निको भएका छन् । पछिल्लो २४ घन्टामा थप ९६६ जना डिस्चार्ज भए । २४ घण्टामा ९ हजार ५८४ सय जनाको पिसिआर परीक्षण भएको छ ।

यसैबीच आज देशभर १० कोरोना संक्रमितको मृत्युभएको छ जसमध्ये काठमाडौं उपत्यकामा २४ घण्टामा ६ संक्रमितको मृत्यु भएको छ । काठमाडौंकी ४० वर्ष, ६० वर्ष, ६३ वर्षकी महिला र ८२ वर्षका पुरुषको मृत्यु भएको छ । यस्तै ललितपुरकी ७५ वर्ष र भक्तपुरकी ७२ वर्षकी महिलाको मृत्यु भएको छ ।