थपिएकाे निषेधाज्ञामा के खुल्छन् के खुल्दैन ? (आदेशसहित)
काठमाडौं । उपत्यकामा निषेधाज्ञाको समय जेठ ३१ गतेसम्म थप गरिएको छ । काठमाडौं, भक्तपुर र ललितपुरका प्रमुख जिल्ला अधिकारीको बुधबार बसेको बैठकले निषेधाज्ञा समय जेठ अन्तिमसम्म लम्ब्याउने निर्णय गरेको हो ।
कोरोना भाइरस संक्रमणको चेन ब्रेक गर्न भन्दै उपत्यकासहित देशका धेरैजसो जिल्लाहरुमा वैशाख १६ बाट निषेधज्ञा जारी गरिएको थियो ।
तरपनि संक्रमण नघटेपछि उपत्यकामा निषेधाज्ञालाई जेठ १४ बाट थप कडा बनाइ किरानापसल समेत खोल्न दिइएको थिएन ।
तर आज बसेको प्रजिअहरुको बैठकले निषेधज्ञालाई केही खुकुलो बनाउदै जेठ मसान्तसम्म थप्ने निर्णण् गरेको छ ।
जसअनुसार जेठ १४ बाट उपत्यकामा बन्द गरिएको किराना पसल तथा खाद्यान्नका डिपार्टमेन्ट स्टोर खोल्न दिने निर्णय गरिएको छ ।
किराना र डिपार्टमेन्ट स्टोर बिहान ९ बजेसम्म खोल्न दिने निर्णय भएको भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिनुभयो ।
तरकारी, फलफूल, खाद्यान्न, दूध तथा दूग्धजन्य पदार्थ र सोको प्याकिङ सामग्री, कुखुराको दाना, चल्ला र पशुपंछीजन्य पदार्थ, भेटनरी सम्बन्धी कार्य, ईन्धन, खाना पकाउने ग्यास, सरसफाईमा प्रयोग गरिने मास्क र साबुन र स्यानिटाइजर र प्रिन्ट तथा सरकारी छापाखाना लगायतका ढुवानी तथा सो को यातायातका साधनमा व्यानर वा प्रिन्टमा विषय उल्लेख गरी राति ०९स्०० बजे देखि बिहान ०९स्०० बजे सम्म न्यूनतम जनशक्ति प्रयोग गरी संचालन गर्न पाइने तथानिर्माण सामग्री ढुवानीका लागि सो को सवारी साधन राति ०९स्०० बजे देखि बिहान ०४स्०० बजे सम्म संचालन गर्न पाइने भएको छ ।
मिति_२०७८_०२_१९_गते_जारी_निषेधाज्ञा
तपाईँको अभिमत