७ कोरोना संक्रमितको मृत्यु,संख्या १८८५
आइसीयूमा २०९ जना र भेन्टिलेटरमा ३४ जना संक्रमित
काठमाडौँ । पछिल्लो २४ घण्टामा ७ कोरोना संक्रमितको मृत्यु भएकाे छ। नेपालमा कोरोनाबाट मृत्यु हुनेको जम्मा संख्या १८८५ पुगेको छ ।
आज संक्रमण पुष्टि भएका संक्रमितको संख्या ४०३ रहेको छ। २४ घण्टामा ४ हजार ४ सय १ जनाको पिसिआर परीक्षण गर्दा ४ सय ३ जनामा कोरोना पुष्टि भएको हाे ।
स्वास्थ्य तथा जनसंख्या मन्त्रालयका अनुसार आज थपिएका संक्रमितमध्ये काठमाडौं उपत्यकाका १८५ जना रहेका छन् । याे सँगै काेराेना संक्रमितको संख्या २ लाख ६२ हजार २६२ पुगेको छ।
आज देशभर सक्रिय संक्रमितको संख्या ५२८९ छ। यसमध्ये १७७४ जना संक्रमित होम आइसोलेसनमा रहेका छन्। पछिल्लो २४ घण्टामा कोरोनामुक्त भई डिस्चार्ज हुनेको संख्या ५९४ रहेको छ।
हालसम्म निकाे भएका संक्रमितकाे संख्या २ लाख ५५ हजार ८८ रहेकाे छ । अहिले आइसीयूमा २०९ जना र भेन्टिलेटरमा ३४ जना संक्रमित उपचाररत छन् ।
तपाईँको अभिमत