मानवअंग प्रत्यारोपण केन्द्रको कार्यकारी निर्देशकमा डा.पुकार श्रेष्ठ
वरिष्ठ कलेजो तथा मिर्गाैला प्रत्यारोपण विशेषज्ञ डा.पुकारचन्द्र श्रेष्ठ मानवअंग प्रत्यारोपण केन्द्रको कार्यकारी निर्देशकमा नियुक्त हुनुभएको छ । मंगलबार बसेको मन्त्रिपरिषद् वैठकले श्रेष्ठलाई कार्यकारी निर्देशकमा नियुक्त गर्ने निर्णय गरेको हो ।
उहाँले यसअघि पनि केन्द्रको २ पटक कार्यकारी निर्देशकको जिम्मेवारी सम्हालिसक्नु भएको छ । उहाँकै पहलमा भक्तपुरमा राष्ट्रिय प्रत्यारोपण केन्दको स्थापना भएको थियो ।
नेपालमा पहिलो पटक कलेजो प्रत्यारोपणका साथै ब्रेन डेथ भएकाको मिर्गाैला र कलेजो प्रत्यारोपणको सुरुवात डा.श्रेष्ठले नै गर्नुभएको थियो । यसैगरी डाइलाइसिस र उपचारपश्चात औषधि उपचार खर्च प्रदान गराउन महत्वपूर्ण भूमिका खेल्नुभएको थियो । उहाँ करीब डेढ वर्षदेखि काम जिम्मेवारीविहीन हुनुहुन्थ्यो ।
तपाईँको अभिमत