कोभिड प्रतिकार्यका लागि जनस्वास्थ्य निरीक्षकको दरखास्त आव्हान
स्वास्थ्य तथा जनसंख्या मन्त्रालय स्वास्थ्य सेवा विभाग इपिडिमियोलोजि तथा रोग नियन्त्रण महाशाखा(इडिसिडि)ले कोभिड १९ प्रतिकार्यका लागि जनस्वास्थ्य निरीक्षक परिचालन गर्न आवेदन खुलाएको छ ।
इडिसिडिले फाजिलमा रहेका स्थायी कर्मचारीहरुलाई ७ दिन अर्थात असोज ५ गतेभित्र दरखास्त दिन आव्हान गरेको छ । कोभिड १९ प्रतिकार्यका लागि जनस्वास्थ्य निरीक्षक परिचालन सम्बन्धी कार्यविधि २०७८ जारी गरेपछि इडिसिडिले निरीक्षक नियुक्तिको प्रक्रया सुरु गरेको हो ।
हाल स्वास्थ्य सेवा अन्तर्गतको स्थायी कर्मचारी जो फाजिलमा छ, र सो पुष्टि हुने कागजातसहित जनस्वास्थ्य विषयमा कम्तीमा स्नातक गरेकाहरुले आवेदन दिन सक्ने इडिसिडिले जनाएको छ । जनशक्ति नपुगेको खण्डमा इडिसिडिले करारमा नियुक्त गर्ने छ । जनस्वास्थ्य निरीक्षकको सेवा अवधि १ वर्ष तथा महामारी अवस्थाको मुल्यांकन गरि पदावधि थप गर्न सकिनेछ ।
सरकारले काठमाडौं महानगरपालिकामा ७, अन्य महानगरपालिका ५, उपमहानगरपालकामा ३, नगरपालिकामा २ र गाउँपालिकामा १ गरि जम्मा देशभर १ हजार ७७ जना नियुक्त गर्न लागेकाे हाे । उनीहरुले सातौँ तहको अधिकृत स्तरको ३७ हजार ८७० रुपैयाँ र ५० प्रतिशत जोखिम भत्ता १८ हजार ९३५ रुपैयाँसमेत गरी कुल ५६ हजार ८०५ मासिक तलव पाउनेछन् ।
निरीक्षकको जिम्मेवारी
- स्थानीय तहमा संक्रमण रोकथामका गतिविधिहरु जस्तै : केश इन्भेष्टिगेसन तथा कन्ट्याक्ट ट्रेसिङ,स्क्रिनिङ, हेल्थ डेस्क, क्वारेन्टिन, आइलोसेन,उपचार, सञ्चार गतिविधिहरु सम्बन्धित स्थानीय तह र जिल्लास्थित स्वास्थ्य कार्यालयसँगको समन्वयमा सञ्चालन गर्ने गराउने ।
- उच्च जोखिम रहेका वडा तथा टोलहरुमा जनस्वास्थ्यका मापदण्डहरु पालना भए नभएको नियमित अनुगमन गरी अभिलेख राख्ने र सोको प्रतिवेदन जिल्ला कोभिड व्यवस्थापन समिति समक्ष पेश गर्ने ।
- उच्च जोखिममा रहेका क्षेत्रमा जनचेतना फैलाउने क्रियाकलापहरु सञ्चालन गर्न वडा स्तरमा सरकरी तथा गैरसरकारी संघसंस्था, टोल विकास संस्था, उपभोक्ता समिति, गुठी आदिसँग समनवय गरी कार्य योजना बनाउन सहयोग गर्ने ।
- कोभिड - १९ संक्रमण रोकथामका लागि जारी गरिएका मापदण्डहरुको पूर्ण पालना गर्न गराउन जिल्ला तथा समुदाय स्तरमा संघ संस्थाहरुसँग समन्वय गर्ने र समुदायको सहभागिता बढाउने ।
-स्थानीय निकाय तथा संघ संस्थाहरुलाई जनस्वास्थ्यका मापदण्डहरुबारे जानकारी तथा परामर्श उपलव्ध गराउने ।
- नेपाल सरकार र मुकरर अधिकारीबाट जारी आदेश तथा स्वास्थ्य तथा जनसंख्या मन्त्रालयबाट जारी भएका मापदण्ड पालना नगर्ने व्यक्ति तथा संस्थाहरुको सूची तयार गरी प्रचलित कानून अनुसार कारबाही गर्न मुकरर अधिकारीलाई सिफारिस गर्ने ।
- जोखिम स्थानहरुको पहिचानका लागि स्थानीय तथह तथा स्वास्थ्य संस्थाबाट सूचना संकलन गरि विश्लेषण गर्ने र विश्लेषणत्मक प्रतिवेदन जिल्ला कोभिड व्यवस्थापन समिति समक्ष पेश गर्ने।
- स्वास्थ्य तथा जनसंख्या मन्त्रालय र मुकरर अधिकारीले तोके बमोजिमका काम स्वास्थ्य कार्यालयको समन्वयमा गर्ने /गराउने ।
janaswasthya nirixak-notice-2078-5-30
तपाईँको अभिमत