कोरोना विरुद्धको खोप सुरुमा यि व्यक्तिहरुले पाउनेछन्
हेल्थपाटी - माघ ०७, २०७७ १६:५७ मा प्रकाशित
अ +
अ -
काठमाडौं । नेपाललाई भारतले १० लाख डोज कोरोना विरुद्धको खोप अनुदानमा दिने भएको छ । उक्त खोप भोलिबाट नेपाल ल्याउने प्रक्रिया सुरु हुनेछ ।
स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमले २/४ दिनमा खोप ल्याउने काम सकिएपछि पहिलो प्राथमिकतामा परेका व्यक्तिहरुलाई खोप दिइने जानकारी दिनुभयो ।
उहाँका अनुसार स्वास्थ्यकर्मी, शव व्यवस्थापन गर्ने व्यक्तिहरु, एम्बुलेन्स चालक, महिला स्वास्थ्य स्वयमसेविका तथा नगरपालिकाबाट खटाइएका सफाइकर्मीलाई सुरुमा खोप दिइनेछ । त्यसपछि कोरोना संक्रमणको जोखिममा रहेका व्यक्तिहरुलाई चरणवद्ध रुपमा खोप दिइने उहाँले बताउनुभयो ।
स्वास्थ्यकर्मी संक्रमित हुँदा स्वास्थ्य सेवा नै अवरुद्ध हुने भएकाले स्वास्थ्यकर्मीलाई खोपको प्राथमिकतामा राखेको प्रवक्ता गौतमले स्पष्ट पार्नुभयाे ।
तपाईँको अभिमत