बागमतीको स्वास्थ्य मन्त्रीमा रामेश्वर श्रेष्ठ
बागमती प्रदेशको स्वास्थ्य तथा जनसंख्या मन्त्रीमा रामेश्वर श्रेष्ठ सिफारिस हुनुभएको छ । सत्ता गठबन्धन एमाले, माओवादी र राप्रपाबीच ११ मन्त्रालयको भागवण्डा टुंगिएको छ ।
स्वास्थ्य मन्त्रालय एमालेको भागमा परेपछि श्रेष्ठ स्वास्थ्य मन्त्रीका लागि सिफारिस हुनुभएको हो ।
उहाँ ललितपुर क्षेत्र नम्बर २ (क) बाट प्रदेशसभा सदस्यमा निर्वाचित हुनुभएको हो ।
श्रेष्ठ २०७४ सालको स्थानीय तह निर्वाचनमा महालक्ष्मी नगरपालिकाको मेयरमा निर्वाचित हुनुभएको थियो।
बागमती प्रदेशको मुख्यमन्त्रीमा माओवादी केन्द्रका शालिकराम जमरकट्टेल नियुक्त हुनुभएको छ ।
बागमती प्रदेशमा नेकपा एमाले र नेकपा माओवादी केन्द्रले ४/४ र राष्ट्रिय प्रजातन्त्र पार्टीले ३ मन्त्रालय पाउने सहमतिसँगै मन्त्रीको नाम टुंगो लागेको छ।
माओवादी
मुख्यमन्त्री : शालिकराम जमरकट्टेल
गंगानारायण श्रेष्ठ : आन्तरिक मामिला तथा कानुन
युवराज दुलाल : भौतिक पूर्वाधार विकास
कुमारी मोक्तान : सामाजिक विकास
एमाले
जगन्नाथ थपलिया : आर्थिक मामिला तथा योजना
एकालाल श्रेष्ठ : श्रम रोजगार तथा यातायात
रामेश्वर श्रेष्ठ : स्वास्थ्य
केशवप्रसाद पोखरेल : कृषि तथा पशुपंक्षी विकास
राप्रपा
उद्धव थापा : खानेपानी,ऊर्जा तथा सिंचाई
डम्बरबहादुर तामाङ : उद्योग,पर्यटन,सहकारी
राजु बिष्ट : वन तथा वातावरण
तपाईँको अभिमत