यसै वर्षको अन्त्यसम्म कोरोना विरुद्धको खोप तयार हुने : विश्व स्वास्थ्य संगठन

हेल्थपाटी
आश्विन २१, २०७७ ०८:४३ मा प्रकाशित

अ + अ -

काठमाडौं । विश्व स्वास्थ्य संगठन(डब्ल्यूएचओ)ले सन् २०२० को अन्त्यसम्ममा कोरोना विरुद्धको खोप तयार हुनसक्ने बताएको छ । डब्ल्यूएचओ प्रमुख अधानोम टेड्रोसले यसै वर्षको अन्त्यसम्म खोप तयार हुनसक्ने सम्भावना रहेको भन्दै खोपको समान वितरण र पहुँचका लागि पहल गर्न राजनीतिक नेताहरुलाई आग्रह गर्नुभयो ।

टेड्रोसले डब्ल्यूएचओको कार्यकारी बोर्डको बैठकमा भन्नुभयो, 'हामीलाई खोप चाहिन्छ र यसै वर्षको अन्त्यसम्ममा खोप आउने आशा बढाएको छ ।' खोप अभियान कोभ्याक्स अन्तर्गत ९ वटा खोप परीक्षणको पाइपलाइनमा रहेको उहाँले बताउनुभयो। सन् २०२१ सम्ममा २ अरब डोज खोप वितरण गर्ने लक्ष्य कोभ्याक्सले लिएको छ ।

जोन्स् हप्किन्स युनिभर्सिटिको पछिल्लो तथ्यांक अनुसार गत वर्षको डिसेम्बरबाट फैलिएको कोरोना भाइरसबाट ३ करोड ५७ लाख मानिस संक्रमित भएका छन् । जसमध्ये २ करोड ४८ लाख मानिस निको भएका छन् । १० लाख ५ हजार संक्रमितको मृत्यु भएको छ ।