काेराेनाकाे उत्पत्तिबारे चीनमा अनुसन्धान गर्न (डब्ल्यूएचओ) लाई अनुमति
बेइजिङ । विश्व स्वास्थ्य संगठन (डब्ल्यूएचओ) का अनुसन्धानकर्ताहरुलाई चीनमा अनुसन्धानको अनुमति दिन आफू तयार रहेको चीनले बताएको छ ।
डब्ल्यूएचओले कोभिड-१९ भाइरसको उत्पत्तिको विषयमा चीनमा अनुसन्धान गर्न खोजिरहेको थियो । तर चीनले डब्लूएचओका अनुसन्धानकर्तालाई अनुसन्धान गर्न नदिने बताउँदै आएको थियो । शनिबार भने चीनले ती अनुसन्धानकर्ताहरुलाई आफ्नो मुलुकमा अनुसन्धानको लागि अनुमति दिइएको बताएको छ ।
चीनको युहान सहरमा कोभिडको भाइरस उत्पत्ति भएको बताइएको छ । त्यस विषयमा विश्व स्वास्थ्य संगठनले अनुसन्धान गर्न चाहेको थियो । तर चीन सरकारले दिएको थिएन । नेशनल हेल्थ कमिसनका निर्देशक चेन इसिनका अनुसार शनिबार भने अनुमति दिइएको छ । चीनले विश्व स्वास्थ्य संगठनका अनुसन्धान अधिकारीहरुलाई यस विषयमा अनुमति दिएको र आगामी केही दिनमा उहाँहरुको आगमन उहाँले बताउनुभयो ।
‘विश्व स्वास्थ्य संगठनका अनुसन्धानकर्ताहरुले यस अनुसन्धानका विषयमा उहाँहरुको कार्यक्रम र कार्य सूची के कस्तो छ भन्ने बारेमा हामीलाई थाहा दिनुभएको छ’, इसिनले भन्नुभयो, ‘उहाँहरुसँगै हाम्रा अनुसन्धान अधिकारीहरु पनि युहान जान तयार हुनुहुन्छ ।’
इसिनले ती अधिकारीहरुले चीनमा कोभिड १९ को उत्पत्तिको बारेमा गर्ने अनुसन्धानमा पूर्ण रुपमा सघाउन चीन तयार रहेको समेत बताउनुभयो ।
तपाईँको अभिमत