आज राति मेघगर्जनसहित वर्षाको सम्भावना, दिउँसाे कस्तो हुन्छ ?

हेल्थपाटी
आश्विन १४, २०८१ ०७:२९ मा प्रकाशित

अ + अ -

आज राति मेघगर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ । कोशी, गण्डकी र वागमतीका केही स्थानमा मेघगर्जनसहित मध्यम वर्षा हुनसक्ने सम्भावना रहेको हो ।

आज दिउँसो भने मुलुकभर साधारणतया मौसम बदली हुनेछ । पहाडी भूभागका केही स्थानमा हल्कादेखि मध्यम वर्षाको सम्भावना रहेको छ ।

मंगलबारदेखि सामान्यतया मौसम सफा हुँदै जाने देखिएको छ । दिउँसो आंशिक बदली हुने र मुख्यतया मौसम सफा रहने महाशाखाले जनाएको छ । यद्यपि कोशी, वागमती, गण्डकीलगायतका पहाडी क्षेत्रमा चट्याङसहित हल्का वर्षाको सम्भावना रहेको छ ।

बुधबार पनि सामान्यतः मौसम सफा रहे पनि कतिपय स्थानमा चट्याङसहित मध्यम वर्षाको सम्भावना रहेको छ ।