२१ दिने अल्टिमेटमसहित १९ वटा पेशागत संघ संगठनले स्वास्थ्य मन्त्रालयलाई बुझाए मागपत्र
काठमाडौं । स्वास्थ्य सेवासँग आवद्ध विभिन्न १९ वटा पेशागत संघ संगठनले २१ दिने अल्टिमेटमसहित स्वास्थ्य तथा जनसंख्या मन्त्रालयसमक्ष १८ वटा माग राखेका छन् ।
कोरोना महामारीमा आफ्नो ज्यानको बाजी थापी अहोरात्र खटिरहेका बेला डाक्टर, नर्स, स्वास्थ्यकर्मी लगायत प्राविधिकहरुको सामान्य सुरक्षामा समेत ध्यान नदिएको भन्दै पेशागत संघसंठनले विभिन्न १८ वटा माग राखेका छन् ।
कोभिड लगायत जनताको अन्य जटिल रोगको सम्पूर्ण उपचार राज्यले निःशुल्क गर्नुपर्ने, आइसियु/ भेन्टिलेटर लगायत उपकरणको संख्या बढाउनुपर्ने, कोरोनाको परीक्षण, उपचारको दायरा बढाउनुपर्ने, स्वास्थ्यकर्मीलाई दिइने भनिएको जोखिमभत्ता, बीमा लगायतका सुविधा सहज तरिकाले उपलब्ध गराउनुपर्ने, निश्चित मापदण्डका आधारमा सबै स्वास्थ्यकर्मीलाई क्वारेन्टिन, आइसोलेसन र बिदाको व्यवस्था हुनुपर्ने लगायतका माग आफूहरुको रहेको संयुक्त स्वास्थ्य पेसागत र ट्रेड युनियनका सदस्यसचिव माइकल देवकोटाले जानकारी दिनुभयो ।
तपाईँको अभिमत