बिरामीको उपचार गर्न नपाएर छट्पटिएका एक सरकारी डाक्टरकाे भावुक स्टाटस
नेपालमै पहिलोपटक सफल अंग प्रत्यारोपण गर्ने डाक्टर काम बिहिन
हेल्थपाटी - आषाढ १३, २०७८ ०८:५६ मा प्रकाशित
अ +
अ -
काठमाडौं । डाक्टर पुकारचन्द श्रेष्ठ, वरिष्ठ अंग प्रत्यारोपण विज्ञ सर्जन हुनुहुन्छ उहाँले नेपालमै पहिलोपटक मानव अंग प्रत्यारोपणमा सफलता हाँसिल गरी नेपालमामै मिर्गाैला तथा कलेजो प्रत्यारोपण गर्न सकिन्छ भन्ने प्रमाणित गर्नुभयो ।
पुकारचन्द श्रेष्ठ जस्ताे अब्बल प्रत्यारोपण विशेषज्ञलाई कामकाे चाप हुनुपर्ने हाे तर उहाँ एक बर्षदेखि काम बिहिन हुनुहुन्छ ।
सन् २००२ सालमा वीर अस्पतालमा मिर्गाैला प्रत्यारोपणको सुरुवात गरिएपनि सफल हुनसकेको थिएन तर उहाँले सोही अस्पतालमा सफल प्रत्यारोपण गर्नुभएको थियो । उहाँले १ हजारभन्दा बढीको मिर्गाैला प्रत्यारोपण गर्नुभएको छ ।
८ बर्ष मानव अंग प्रत्यारोपण केन्द्रमा कार्यकारी प्रमुख भएर कार्यरत डा. श्रेष्ठलाई सरकारले १० महिनाअघि वीर अस्पतालमा काज फिर्ता गरेको छ । तर उहाँ विगत एक वर्षदेखि कामविहिन हुनुहुन्छ । दिवंगत वरिष्ठ न्यूरो सर्जन डाक्टर उपेन्द्र देवकोटाको स्मरण गर्दै डा.श्रेष्ठले फेसवुकमा एउटा स्टाटस पोष्ट गर्नुभएको छ ।
डा.श्रेष्ठले लेख्नुभएको छ, मेरो गुरु डा. उपेन्द्र देवकोटाको भनाइ सोर्है आना सही छ । आज मैले एक वर्ष देखि विना जिम्मेवारी बस्न नपरेको भए झण्डै २०० जनाको मिर्गाैला र केहीको कलेजो प्रत्यारोपण गरेर गरिब नेपाली दाजु भाइ, दिदि बहिनीहरुकाे ज्यान बचाइरहेको हुन्थें ।
कतिले ज्यान गुमाइसके र कतिले गुमाउन पर्ने हो भगवान । दलाल, भ्रष्ट, बेइमान र गद्दारहरु सबैको जय होस्, सतिले सरापेको देश । परिवर्तन अपरिहार्य छ ।
तपाईँको अभिमत