भारतमा पछिल्लो २४ घण्टामा हालसम्मकै उच्च संक्रमित
काठमाडौं । भारतमा पछिल्लो २४ घण्टामा हालसम्मकै सबैभन्दा बढी कोराना संक्रमित भेटिएका छन् । एकै दिनमा १ लाख २६ हजार ३१५ जनामा कोरोना संक्रमण देखिएको भारतीय स्वास्थ्य मन्त्रालयले जनाएको छ । यो तथ्याकं पछिल्लो २४ घण्टामा भेटिएको विश्वकै सबैभन्दा बढी हो ।
यो सँगै भारतमा कोरोना संक्रमितको संख्या १ करोड २९ लाख २६ हजार ६१ पुगेको छ । भारतमा हाल सक्रिय संक्रमितको संख्या ९ लाख १० हजार २६२ रहेको छ । पछिल्लो २४ घन्टामा ६८४ जनाको मृत्यु भएसँगै भारतमा कोरोनाबाट मृत्यु हुनेको संख्या १ लाख ६६ हजार ८९२ पुगेको छ ।
संक्रमितको संख्या बढेपछि भारतको उत्तर प्रदेशका तीन जिल्लामा आजै (बिहिबार) राति ९ बजेदेखि रात्रीकालिन कर्फयू आदेश जारी गरिएको छ । उत्तर प्रदेशका लखनउ, प्रयागराज तथा वाराणसीमा कर्फ्यू आदेश जारी गरेको भारतीय सञ्चारमाध्यमले जनाएका छन् ।
भारतमा कोरोनाको दोस्रो लहर देखिएको छ ।
त्यसैगरी पछिल्लो २४ घन्टामा ब्राजिलमा ९० हजार र अमेरिकामा पनि ७५ हजारमा कोरोना संक्रमण पुष्टि भएको छ ।
तपाईँको अभिमत