आखाँभित्र पानी हालेर सफा गर्नुहुन्छ ? होसियार बिग्रन सक्छ
काठमाडौं । तपाई हामी धेरैले आँखा सफा गर्दा पानीमा आखाँ खोलेर डुबाउने गरेका हुनसक्छाँै । वा कसैले आँखामा पानीले छ्याप्छ्याप हान्नी पनि गरिरहेका हुन्छौँ । आँखा खोलेर छ्याप्छ्याप आँखा पखाल्ने चलन धेरै पाइन्छ । बाल्टीमा पानी भरेर समेत पखाल्ने गरिन्छ तर त्यसले आँखालाई असर गरिसकेको हुन्छ ।
तर यसरी आँखा सफा होइन बिग्रने जोखिम उच्च रहन्छ । किनकी आखाँ भित्र पानी छिर्नु हानिकारक मानिन्छ । आखाँभित्र पानी छ्यापेर वा आँखा सफा गर्दा आँखाभित्र पानी छिर्न दिनुहुँदैन । यदि आँखामा पानी पस्यो भने उक्त पानीले आँखाको आँसुलाई बगाउँछ र आँखालाई सुख्खा बनाउँछ । आँखामा पाइने तरल पदार्थ अर्थात् आँसु आँखाको मोबिल हो ।
जसरी गाडी मोबिलबिना चल्दैन त्यसरी नै आँखा पनि आँसुबिना चल्दैन । त्यसैले हामीले आँखा सफा गर्दा धेरै ख्याल गर्नुपर्दछ । आँखा पोल्ने, बिझाउने, आँखा फरफराउने, टाउको दुख्ने, आँसु बगिरहने तथा आँखाको नानी नै फेर्नुपर्नेसम्मको समस्या हुन्छ ।
त्यसो भए आँखा कसरी सफा गर्ने ?
आँखा बन्द गर्ने र परेला तथा आँखाको वरिपरि पानीले मज्जाले सफा गर्ने । त्यसो गर्दा परेलामा रहेका फोहोरलाई पानीले पखाल्छ ।
तपाईँको अभिमत