डाक्टर, नर्स सहित स्वास्थ्यकर्मीलाई कोरोना पुष्टि, अस्पताल बन्द

राप्ती स्वास्थ्य विज्ञान प्रतिष्ठानमा कार्यरत ४ जनालाई कोरोना पुष्टि

हेल्थपाटी
आषाढ ०५, २०७७ २१:३३ मा प्रकाशित

अ + अ -

काठमाडौं । राप्ती स्वास्थ्य विज्ञान प्रतिष्ठानमा कार्यरत ४ जना चिकित्सक तथा स्वास्थ्यकर्मीलाई कोरोना पुष्टि भएपछि आकस्मिक सहित सबै सेवा बन्द गरिएको छ । प्रतिष्ठानले विज्ञप्ती निकालेर अस्पताल परिसर निर्मलिकरण गर्न २ दिनका लागि आकस्मिक सहित सबै सेवा बन्द गरिएको जानकारी दिएको छ ।

प्रतिष्ठानका अस्पताल निर्देशक,नर्सिङ इन्चार्ज, इमरजेन्सीमा कार्यरत एक स्वास्थ्यकर्मी र आइसोलेसन वार्ड इन्चार्जसहित ४ जनालाई कोरोना पोजेटिभ देखिएको थियो । स्रोतका अनुसार अस्पतालको इमरजेन्सीमा रहेका बिरामीको उपचारमा सहभागि भएको र ती बिरामीमा पछि संक्रमण पुष्टि भएको थियो । यस्तै उहाँ संक्रमितको शव व्यवस्थापनमा पनि सहभागि हुनुभएको थियो ।

शव व्यवस्थापनमा खटिएका सेनाका एक जनालाई पनि संक्रमण पुष्टि भएपछि संक्रमितको सम्पर्कमा आएका २२ जना क्वारेन्टाइनमा बसेको अवस्थामा कोरोना पोजेटिभको पुष्टि भएको स्रोतले जनाएको छ ।