बारा र पर्साका संक्रमित वीरगञ्जमा उपचाररत संक्रमितहरुसंगै दिल्लीबाट नेपाल फर्किएका
काठमाडौं,१७ बैशाख । हालसम्म पीसीआर बिधिबाट ११ हजार ५ सय २४ जनाको कोरोना भाइरस रोगको परीक्षण भएको छ । स्वास्थ्य तथा जनसंख्या मन्त्रालयको नियमित प्रेस ब्रिपिमा प्रवक्ता डा.विकास देवकोटाले पीसीआर परीक्षणमा हालसम्म ५७ जनामा कोरोना पोजेटिभ आएको जानकारी दिनुभयो । राष्ट्रिय जनस्वास्थ्य प्रयोगशालामा गरिएको स्वाब परीक्षणमा तीन जनामा
कोरोना भाइरस संक्रमणको पुष्टि भएको बताउनुभयो । संक्रमितहरु बाराका ४६ वर्षका पुरुष र पर्साका ३१ र ४३ वर्षका पुरुष रहेका छन् । उहाँहरु पनि यसअघि वीरगञ्ज अस्पतालमा उपचाररत संक्रमितहरुसंगै दिल्लीबाट नेपाल फर्किएको जानकारी प्राप्त भएको प्रवक्ता देवकोटाले जानकारी दिनुभयो । आज थप संक्रमण देखिएका व्यक्तिहरुको पनि वीरगञ्जमा उपचार भइरहेको छ । हालसम् १६ जना संक्रमित निको भएर घर फर्कनुभएको छ । बाँकी ४१ जना सामान्य अवस्थामा उपचाररत हुनुन्छ । विराटनगरमा ३१,वीरगञ्जमा ८,धनगढीमा १,भरतपुरमा १ उपचार भइरहेको छ ।
काठमाडौमा अहिले ४ र बाहिर ८३ गरि ८७ जना आइसोलेसनमा हुनुन्छ । देशभर २२ हजार ९ सय १ जना क्वारेन्टाइनमा बसिरहनुभएको छ । सबैभन्दा धेरै प्रदेश नम्वर ५ मा १२ हजार ५ सय १३ क्वारेन्टाइनमा हुनुन्छ ।
तपाईँको अभिमत