विश्वमा पहिलो पटक कुकुरमा पनि कोरोना (कोभिड नाइन्टिन) पुष्टि
एजेन्सी, फागुन १९ । हङकङमा एउटा कुकुरमा समेत कोभिड–नाइन्टिनको संक्रमण भेटिएको छ । संक्रमण देखिएको कुकुरको मालिकमा पनि कोरोना भाइरस रोगको संक्रमण देखिएको थियो । कुकुर पहिलेदेखि नै संक्रमित रहेको वा संक्रमित मानिसबाट सरेको हो भन्ने सम्बन्धमा वैज्ञानिकहरुले अनुसन्धान थालिसकेका छन् ।
विश्व स्वास्थ्य संगठनले कुकुरमा कोभिड नाइन्टिनको पुष्टि गरेको छ, संगठनका प्राविधिक डा.मारिया भन केरकोखले कुुकुरमा थोरै मात्रामा कोभिड नाइन्टिन भाइरस देखिएको बताउनुभयो । कुकुरमा कोरोना भाइरस देखिएपछि क्वारेन्टाइनमा राखिएको छ । विश्वमा पहिलो पटक कोभिड नाइन्टिनको संक्रमण देखिएपछि पशुलाई क्वारेन्टाइनमा राखिएको यो पहिलो घटना हो ।
संक्रमित कुकुर हङकङको कृषि मत्स्यपालन र संरक्षण विभागलाई हस्तान्तरण गरिएको छ । कुकुरको नाक र घाँटी भित्रको नमुना संकलन गरि परीक्षण गर्दा कोरोना भाइरसको पुष्टि भएको थियो । हङकङमा कोरोना संक्रमण देखिएका घरमा रहेका सम्पूर्ण कुकुर,बिरालो र पालुवा जनावरलाई क्वारेन्टाइनमा राख्ने तयारी गरिएको छ ।
तपाईँको अभिमत