भिडियो : विमान चीन पठाउन अभिभावक पुगे विमानस्थल
इतिहास रचि आफन्त उद्दार गरेकोमा अभिभावक र विद्यार्थी दुबै खुशी
काठमाडौं, ३ फागुन । बिहान ११ बजेदेखि नै अभिभावकहरु अन्तर्राष्ट्रिय विमानस्थलमा जम्मा भएका थिए । उनीहरु सरकारले उद्दारका लागि विमान चीन पठाउन लागेको खुशीमा उत्सव मनाउन विमानस्थल पुगेका थिए ।
अन्य दिनमा अध्याँरो अनुहार र पीडाको आँसुमा डुबेका उनीहरु आज हर्षको आँसुसँगै एक आपसमा खुशी बाँडिरहेका थिए । छोराछोरी र आफन्तलाई भेट्न अर्काे २ हप्ता कुर्नु परे पनि अति प्रभावित क्षेत्रबाट उद्दार गरेर आफ्नै भूमिको क्वारेन्टाइनमा बस्ने व्यवस्था मिलेपछि अभिभावक र विद्यार्थी दुबै खुशी छन् ।
स्वस्थ र सुरक्षित रुपमा नेपाल ल्याउन विशेष तालिम प्राप्त जहाज दलका सदस्य तथा स्वास्थ्यकर्मी सहित १७ जनाको टोली चीन प्रस्थान गरेको छ ।
उद्दार गरि ल्याइएका नेपाली विद्याथीलाई सरकारले तयार गरेको क्वारेन्टाइन स्थल खरिपाटीमा १४ देखि १७ दिन वा आवश्यकता अनुसार सो भन्दा बढि राखिनेछ ।
अभिभावक र छोराछोरी एक आपसमा भेट्न व्यग्र प्रतिक्षामा छन् । इतिहासमै पहिलो पटक विमान चार्टड गरि ठूलो संख्यामा आफ्ना नागरिकको उद्दार गरेकोमा अभिभावहरुले सरकारको प्रशंसा गरेका छन् । हेरौ भिडियो :
तपाईँको अभिमत