कोरोना भाइरस नियन्त्रणका लागि अमेरिकी विज्ञ चीन जाने : राष्ट्रपति ट्रम्प
चिनियाँ राष्ट्रपति सी र अमेरिकी समकक्षी ट्रम्प बीच टेलिफोन वार्ता
एजेन्सी, २४ माघ । चिनियाँ राष्ट्रपति सी जीनपीङले कोरोनाभाइरसको प्रकोपमाथि विजय हासिल गर्न चीन विश्वस्त र सक्षम रहेको बताउनुभएको छ ।
अमेरिकी राष्ट्रपति डोनाल्ड ट्रम्पसँग शुक्रबार भएको टेलिफोन वार्तामा राष्ट्रपति सीले भन्नुभयो संक्रमणको रोकथाम र उपचारका लागि चीनले व्यापक उपायहरू अवलम्वन गरि प्रकोपलाई नियन्त्रण लिएको र प्रकोपका कारण चीनको दीर्घकालीन आर्थिक बृद्धि सम्बन्धी कुनै परिवर्तन नहुने जानकारी दिनुभयो ।
राष्ट्रपति सीले चीनले आफ्नो जनताको सुरक्षा र स्वास्थ्यको मात्र नभई विश्व स्वास्थ्य सुरक्षाको रक्षा गर्न प्रतिवद्ध रहेको बताउनुभयो । चीनले खुला, पारदर्शी र जिम्मेवार ढंगले विश्व स्वास्थ्य संगठन (डब्ल्यूएचओ) र संयुक्त राज्य अमेरिकालगायत सम्बन्धित देश र क्षेत्रहरूलाई महामारीको अवस्थाको बारेमा तुरुन्त जानकारी गराएको भन्दै राष्ट्रपति सीले डब्लुएचओ र अन्य क्षेत्रका विज्ञहरूलाई संक्रमण क्षेत्रको अध्ययन गर्न निमन्त्रण गर्नुभएको छ ।
उहाँले चीन महामारी रोकथाम र नियन्त्रणको अग्र स्थानमा रहेको भन्दै समयमै निर्णायक र प्रभावकारी कदम चालेको पनि बताउनुभयो, जसको विश्वव्यापी संगठन र धेरै देशहरूले पूर्ण सम्मान र प्रशंसा गरिसकेका छन् । चीन र संयुक्त राज्यले महामारी रोकथाम र नियन्त्रणमा संचार कायम राखेको छ, चिनियाँ राष्ट्रपतिले सीले भन्नुभयो ।
सीले अमेरिकी राष्ट्रपतिले चीनको महामारी रोकथाम र नियन्त्रण प्रयासहरूको सकारात्मक टिप्पणीको प्रशंसा
गर्नुभयो । अमेरिकी समाजका सबै क्षेत्रहरूलाई उनीहरूको भौतिक योगदानका लागि धन्यवाद पनि ज्ञापन पनि
गर्नुभयो ।
चीन र संयुक्त राज्य अमेरिकाबीच केही मतभिन्नता हुँदाहुँदै पनि दुवै पक्षले समानता र पारस्परिक सम्मानको भावनाका साथ व्यवहार गरेमा दुवै देशले सधै वार्ता र परामर्शबाट पारस्परिक स्वीकार्य समाधान भेट्टाउन सक्ने राष्ट्रपति सीले समकक्षी ट्रम्पलाई विश्वस्त पार्नुभयो ।
जवाफमा अमेरिकी राष्ट्रपति ट्रम्पले अमेरिकाले कोरोना भाइरस बिरूद्ध चीनको लडाईलाई पूर्ण समर्थन गर्दै विज्ञलाई चीन पठाउन र अन्य सहयोग गर्न इच्छुक रहेको बताउनुभएको छ ।
राष्ट्रपति ट्रम्पले समकक्षी सीसँग संक्रमण नियन्त्रणका लागि चीनले गरिरहेको प्रयासको प्रशंसा गर्दै भन्नुभयो यो प्रभावशाली छ कि चीनले छोटो अवधिमा अस्थायी अस्पतालहरू निर्माण गरेको छ, जसले पूर्ण रूपमा चीनको उत्कृष्ट संगठनको क्षमता प्रदर्शन गरेको छ । उहाँले संयुक्त राज्य अमेरिका सँधै चीनको आर्थिक विकासको पक्षमा रहेको बताउनुभयो ।
दुबै देशका राष्ट्रपतिहरु घनिष्ट सञ्चार कायम राखी संवाद जारी गर्न सहमत रहेकाे बताइएकाे छ ।
तपाईँको अभिमत