काठमाडौंमा बढ्न थाल्यो कोरोना, देशभर १७६ जनालाई संक्रमण पुष्टि
अ +
अ -
काठमाडौं । केही दिनयता कोरोना भाइरस संक्रमण बढ्दै गएको नेपालमा सबैभन्दा धेरै काठमाडौं उपत्यकामा संक्रमित देखिन थालेको छ ।
स्वास्थ्य तथा जनसंख्या मन्त्तालयका प्रवक्ता प्रा.डा. जागेश्वर गौतमले पछिल्लो २४ घण्टामा ९९ जनालाई संक्रमण पुष्टि भएको जानकारी दिनुभयो ।
उहाँका अनुसार काठमाडौंमा ८७, भक्तपुरमा ४ र ललितपुरमा ८ जनालाई संक्रमण पुष्टि भएको छ । आज देशभर १७६ जनालाई संक्रमण पुष्टि भएको छ भने सोही अवधिमा ११७ जना संक्रमणमुक्त भएका छन् ।
नेपालमा कोरोना संक्रमितको संख्या २ लाख ७७ हजार ९४४ पुगेको छ भने २ लाख ७३ हजार २४० जना निको भएक छन् । ३ हजार ३२ संक्रमितको मृत्यु भएको छ ।
तपाईँको अभिमत