मासु खानेलाई भन्दा शाकाहारीलाई सबैखाले क्यान्सरको जोखिम कम
शाकाहारी खाना खानेलाई क्यान्सरको जोखिम कम हुने एक अध्ययनको दावी छ । शाखाहारी खानाले उच्च रक्तचाप र कोलेस्टेरोललाई नियन्त्रणमा राख्ने स्वास्थ्य विज्ञहरुको भनाइ छ । यसले मोटोपनाको समस्याबाट पनि छुटकारा दिन्छ । शाकाहारी खाना खाने व्यक्तिलाई मधुमेह, मुटुको रोगको जस्ता समस्याहरु कम हुने दावी विज्ञहरुको छ ।
बेलायतमा गरिएको यो अध्ययनको रिपोर्ट बीएमसी मेडिसिनमा प्रकाशित छ । बेलायतका ४ लाख ७२ हजार ३७७ जनामा अध्ययन गरिएको रिपोर्टमा भनिएको छ ।
अध्ययनमा सहभागीलाई विभिन्न समूहमा वर्गीकरण गरिएको थियो । यसमा नियमित मासु खाने व्यक्तिहरु २ लाख ४७ हजार ५७१,
थिए । थोरै मासु खानेहरु २ लाख ५ हजार ३८५ थिए ।
१० हजार ६९६ माछा मात्रै खानेहरु र शाकाहारी ८ हजार ६८५ जना थिए ।
अध्ययनले नियमति मासु खाने व्यक्तिको तुलनामा कहिले कँही मात्रै खानेमा क्यान्सरको जोखिम कम देखियो । माछा मात्रै खानेका अझै कम र शाकाहारीमा त्यो भन्दा पनि कम देखिएको रिपोर्टले भनेको छ।
नियमित मासु खानेको तुलनामा शाकाहारी खान मात्रै खानेलाई क्यान्सरको खतरा ५ प्रतिशतसम्म कम देखिएको यस अध्ययनको दावी छ।
अध्ययनको रिपोर्ट अनुसार नियमित मासु खाने २ लाख ४७ हजार ५७१ मध्ये २९ हजार ३९८ मा कुनै न कुनै प्रकारको क्यान्सर भएको पाइएको छ।
कम मासु खाने २ लाख ५ हजार ३८५ मध्ये २३ हजार ९५४ मा क्यान्सर थियो । माछा मात्रै खाने १० हजार ६९६ मा ९४० लाख क्यान्सर थियो भने शाकाहारी ८ हजार ६८५ मध्ये ६६९ लाई क्यान्सर थियो ।
तपाईँको अभिमत