कोरोना विरुद्धको खोप 'कोभिशिल्ड' उत्पादक सिरमको प्लान्टमा आगलागी
हेल्थपाटी - माघ ०८, २०७७ १६:०२ मा प्रकाशित
अ +
अ -
काठमाडौं । भारतमा कोरोना विरुद्धको खोप बनाइरहेको सिरम इन्स्टिच्यूटकाे नयाँ प्लान्टमा आगलागी भएको छ । प्लान्टको टर्मिनल १ को गेटमा आगो लागेको भारतीय सञ्चारमाध्यमहरुले जनाएका छन् ।
आगलागीका कारण खुल्न सकेको छैन । आगो नियन्त्रणमा लिने प्रयास भइरहेको छ । भारतले सिरमद्वारा निर्मित कोभिशिल्ड खोप नेपाललाई १० लाख मात्रा आजै हस्तान्तरण गरेको थियो ।
कोभिशिल्ड विभिन्न देशमा आपूर्ति भइरहेको छ । यो प्लान्टबाट खोप उत्पादन भने भएको थिएन । पुणेमा ३०० करोडको लागतमा निर्मित यस प्लान्टबाट केही दिनमा नै कोभिडशिल्ड उत्पादन सुरु गर्ने योजना थियो ।
तपाईँको अभिमत