खाेपकाे अभावमा कोरोना विरुद्धको खोप अभियान स्थगित
काठमाडौं । खाेपकाे अभावमा कोरोना विरुद्धको खोप अभियान हाललाई स्थगित भएको छ । अग्रिम भुक्तानी गरेको खोप आधा मात्रै आएको र कोभ्याक्स सुविधाकाे खोप पनि लक्ष्यअनुसार नआएकाे तथा खोप आउने सुनिश्चित नभएपछि हाललाई खोप अभियान स्थगित गर्ने निर्णयमा पुगेको स्वास्थ्य मन्त्रालय स्रोतले जनाएको छ ।
माघ १४ गतेदेखि सुरु भएको खोप अभियान विभिन्न चरणमा गरि चैत ३ गतेसम्म चलेको थियो । सो अभियानको हमलसम्म १६ लाख ४४ हजार ५५८ जनाले कोभिड – १९ बिरुद्धको खोपको पहिलो मात्रा लगाएका छन् । खोपको दोस्रो मात्रा पहिलो मात्रा लगाएको ८ हप्तापछि देखि १२ हप्ताको बीचमा लगाउनुपर्नेछ ।
अभियानमा स्वास्थ्यकर्मी, सफाइकर्मी, शव व्यवस्थापक, महिला स्वास्थ्य स्वय्मसेविका, कैदी, राष्ट्रपति, प्रधानमन्त्री, मन्त्री, जनप्रतिनिधि, ६५ वर्षमाथिका नागरिकले खोप लगाएका छन् ।
स्वास्थ्य मन्त्रालयले चैत ४ (आज) देखि ६० बर्ष माथिका जेष्ठ नागरिक र त्यसको केही दिनमै ५५ बर्ष माथिकालाई खोप दिने योजना बनाएको थियो तर आवश्यकता अनुसार खोप नआएपछि अभियान स्थगित हुने भएको छ । यद्यपी अभियान स्थगित हुनेबारे मन्त्रालयले औपचारीक जानकारी भने दिएको छैन ।
तपाईँको अभिमत