चिकित्सा शिक्षा आयोग बनेपछि धेरै घाटा भएको बीपी प्रतिष्ठानको ठहर
हेल्थपाटी - श्रावन ३१, २०७९ १९:३२ मा प्रकाशित
अ +
अ -
बीपी कोइराला स्वास्थ्य विज्ञान प्रतिष्ठान, धरानले चिकित्सा शिक्षा आयोगको गठनका कारण घाटा व्यहोर्नु परेको आशय व्यक्त गरेको छ । प्रतिष्ठानले आइतबार जारी गरेको श्वेत पत्रमा प्रतिष्ठानको शैक्षिक कार्यक्रममा स्वायत्तता नभएकाले घाटा व्यहोर्नु परको बताइएको छ ।
साउन महिनासम्मको आयव्यय अनुसार प्रतिष्ठान १ अबै ४१ करोड ऋणमा रहेको स्वेत पत्रमा उल्लेख गरिएको छ । चिकित्सा शिक्षा आयोग नबन्दा आफैँले शैक्षिक कार्यक्रम सञ्चालन गर्दा यस्तो घाटा व्यहोर्नु नपरेको दावी प्रतिष्ठानको छ।
‘प्रतिष्ठानले आफैँ प्रवेश परीक्षा लिँदा, शैक्षिक कार्यक्रमको शुल्क आफैँ निर्धारण गर्न पाउँदा, नेपाली र विदेशी विद्यार्थीको संख्या आफैँ तोक्न पाउँदा कहिल्यै यस्तो आर्थिक अभाव नभएको जिकिर गरिएको छ ।
अहिले प्रतिष्ठानको स्वायत्तता हनन् भएको महशुस भएको प्रतिष्ठानको भनाइ छ ।
अहिले चिकित्सा शिक्षाका शैक्षिक कार्यक्रममा प्रवेश परीक्षा चिकित्सा शिक्षा आयोगले लिने गरेको छ । शुल्क र विद्यार्थी संख्या समेत आयोगले तोक्ने गरेको छ ।
अहिले स्नातक तहका लागि बीपी प्रतिष्ठानमा एमबीबीएसमा १००, बीडीएसमा ५०, नर्सिङमा ४०, मिढवाइफरीमा २० र अन्यमा २२ गरी ३३२ विद्यार्थीको कोटा आयोगले तोकेको छ ।
तपाईँको अभिमत